ახმეტის გამგებლის მოადგილის ვაჟა ნასყიდაშვილის ინფორმაციით, თუშეთის საავტომობილო გზაზე მეწყერი დაახლოებით ერთი კილომეტრის ტერიტორიაზეა ჩამოწოლილი.
ადგილზე ამ დროისთვის მობილიზებულია სპეციალური ტექნიკა და გზა ნაშალი მასალისაგან იწმინდება.

-"გასულ წელთან შედარებით, აღნიშნულ ადგილას ორჯერ ჩამოწვა დიდი მეწყერი. საგზაო დეპარტამენტის წარმომადგენლები უკვე იმყოფებოდნენ ადგილზე და გარკვეული სამუშაოები ჩაატარეს. რაც შეეხება თუშეთის გზის მოვლა-პატრონობაზე პასუხისმგებელ კომპანიას, მან გზის გაწმენდის სამუშაოები პირნათლად, დათქმულ ვადებში შეასრულა, თუმცა ამხელა მასისგან ტერიტორიის გასუფთავება გაცილებით დიდ თანხებთანაა დაკავშირებული. შესაძლოა, დამეწყრილი ტერიტორიის გაწმენდის სამუშაოებში რამდენიმე კომპანია ჩაერთოს.“- განაცხადა ნასყიდაშვილმა.

როდის მოხერხდება გზის გახსნა და თუშეთში ტურისტული სეზონის დაწყება, ამ ეტაპზე უცნობია.