საზოგადოება
"დიონისო“ - საბერძნეთში გაცოცხლებული ქართული თეატრი და პატარა საქართველო
"დიონისო“ - ასე ჰქვია ქართველ ემიგრანტთა თეატრალურ დასს საბერძნეთში, რომელიც გურჯაანელმა თაკო სამხარაძემ ოთხი წლის წინ ბერძენი მეუღლის დახმარებით დააფუძნა.
ეს ის ადგილია, სადაც პატარებისა და უფროსი თაობის დასი თავიანთ წილ საქართველოს აცოცხლებს და ისევ მშობლიურ მხარეში ბრუნდება.

„დიონისოს“ უმცროსი ასაკის დასს ნელ-ნელა ემატებოდნენ პატარა მსახიობები, არადა, თავიდან მხოლოდ ერთი იყო.
პირველად მორის მეტერლინკის „ლურჯი ფრინველი“ დადგეს, რომელიც პატარა ქართველებმა იქვე, „დიონისოს“ მცირე სცენაზე ითამაშეს. სპექტაკლით გამოწვეული ემოციები და ემიგრანტების ცრემლები თაკოს დღემდე ახსოვს.

მისი ძალისხმევით და ათენში მცხოვრები ქართველების მონდომებით ასე ნელ-ნელა ვითარდება ქართული თეატრი იქ, შორეულ საბერძნეთში. „ლურჯი ფრინველის“ შემდეგ, „ფიფქია და შვიდი ჯუჯა“ იყო, რომელმაც პატარების დასს დიდი წარმატება და აღიარება მოუტანა.

-„აქ, საქართველოში საესტრადო და თეატრალური სასწავლებელი დავამთავრე. შემდეგ საზღვარგარეთ მიმიწვიეს სასწავლებლად. საბერძნეთში ქართული თეატრალური ორგანზიაცია არ იყო და მთელი გულით მინდოდა მე გამეხსნა. ჯერ ერთი, ეს ჩემი საქმეა, ჩემი პროფესიაა. საბერძნეთში მცხოვრები ემიგრანტები ქართულ თეატრსა და კულტურას მოწყვეტილები არიან. ბავშვები ბერძნულ წრეებზე დადიან, მაგრამ რატომ არ უნდა ეზიარონ იმ ქვეყნის კულტურას, სადაც მათი ფესვებია?! თეატრის გარდა, პატარებს ვაცნობ ქართულ იგავ-არაკებსა და პოეზიას, ამ ყველაფერს ისინი პირველად ეზიარნენ. მათ არ იცოდნენ, ვინ იყო სულხან საბა ორბელიანი. ქართულ საქმეს ვაკეთებ, მარტო ჩემთვის კი არა, იმ თაობისთვის, ვინც საბერძნეთში იზრდება და ვინც იქ დაიბადა. ბავშვები, რომლებიც სცენის გარეთ ბერძნულად ლაპარაკობდნენ, სცენაზე აბსოლუტურად უკომპლექსოდ თამაშობენ ქართულად. ეს ჩემთვის ძალიან დიდი ბედნიერებაა.“

„დიონისოს“ უფროს დასში ყველაზე პატარა მონაწილე 22 წლისაა, ყველაზე უფროსი კი 67-ის. აქ მხოლოდ ერთი პროფესიონალია, დანარჩენებმა კი უბრალოდ ბავშვობის ოცნება აისრულეს და მსახიობის როლები დროებით მოირგეს.

-„პროფესიით მსახიობები არ არიან, თუმცა ეს ხელს არ უშლით, რომ გადასარევად ითამაშონ. ისინი უდიპლომო პროფესიონალები არიან. კარგად იცით, ემიგრაციაში მუშაობა როგორი რთულია. დაღლილები მოდიან საღამოს შვიდ-რვა საათზე, ეს დაღლილობა იქვე კართან რჩება და უდიდესი ენთუზიაზმით იწყებენ რეპეტიაციას. მათ მონდომებას რომ ვხედავ, არ მაქვს უფლება, მოვდუნდე და უფრო მეტი არ გავაკეთო მათთვის.“

მიმდინარე წლის მარტში, მარჯანიშვილის თეატრში თაკო სამხარაძეს „წარმატებული ემიგრანტი ქალი- 2018“-ის წოდება მიანიჭეს. როგორც თავად ამბობს, ამ აღიარებამ მისცა ბიძგი, რომ იქ, შორეულ საბერძნეთში, კიდევ უფრო მეტი გააკეთოს. „დიონისოში“ მისი საქმიანობის გამო ანაზღაურება არასდროს მიუღია. ამბობს, რომ როდესაც შენი საქმე გიყვარს, ამ დროს ფინანსურ მხარეს ყურადღებას საერთოდ არ აქცევ.

ცოტა ხნის წინ სიღნაღის თეატრში გამართულ ფესტივალზე „დიონისოს“ პატარების დასმა აკაკი წერეთლის პიესის მიხედვით დადგმული სპექტაკლი „ღამურა“ ითამაშა. გარდა იმისა, რომ ახალბედა მსახიობებმა მშობლიური ქვეყნის სცენას ეზიარნენ, ზოგიერთმა მათგანმა საქართველო პირველად ნახა. დასმა რამდენიმე ნომინაციაში გაიმარჯვა.

თაკოს გეგმები დიდია, კიდევ მრავალი სპექტაკლი უნდა დადგას, ოღონდ უფრო მეტი კომედია, რომელიც ათენში მცხოვრებ ქართველებს ემიგრანტობით გამოწვეულ სევდას ცოტა ხნით მაინც დაავიწყებთ.


Print E-mail
FaceBook Twitter Google
ამავე კატეგორიაში
მთავრობის ადმინისტრაციასთან ლამბალოში 12 ოქტომბერს გატაცებული გოგოს
მხარდამჭერი აქცია გაიმართა. აქციის მონაწილეები მთავრობისგან
აღნიშნულ საქმეზე სწრაფ და ქმედითუნარიან რეაგირებას ითხოვდნენ
მთავრობის ადმინისტრაციასთან ლამბალოში 12 ოქტომბერს გატაცებული გოგოს მხარდამჭერი აქცია გაიმართა. აქციის მონაწილეები მთავრობისგან აღნიშნულ საქმეზე სწრაფ და ქმედითუნარიან რეაგირებას ითხოვდნენ
10:56 / 17.10.2018
დღეს, 19:30-ზე, მთავრობის კანცელარიასთან იორმუღანლოს თემის სოფელ
ლამბალოდან გატაცებული მეთერთმეტეკლასელი გოგოს მხარდასაჭერი აქცია
გაიმართება.
დღეს, 19:30-ზე, მთავრობის კანცელარიასთან იორმუღანლოს თემის სოფელ ლამბალოდან გატაცებული მეთერთმეტეკლასელი გოგოს მხარდასაჭერი აქცია გაიმართება.
17:31 / 16.10.2018
მეექვსე დღეა საგარეჯოს მუნიციპალიტეტის სოფელ იორმუღანლოში მცხოვრებ
ალიევ არაზ სახიბ ოღლის ეძებენ. 30 წლამდე ასაკის კაცი 11 ოქტომბრის
შემდეგ არავის უნახავს.
მეექვსე დღეა საგარეჯოს მუნიციპალიტეტის სოფელ იორმუღანლოში მცხოვრებ ალიევ არაზ სახიბ ოღლის ეძებენ. 30 წლამდე ასაკის კაცი 11 ოქტომბრის შემდეგ არავის უნახავს.
11:48 / 16.10.2018
უკვე მეოთხე დღეა იორმუღანლოს თემის სოფელ ლამბალოდან მოტაცებულ
მეთერთმეტეკლასელ გოგონას ეძებენ. სამართალდამცველებმა და ოჯახმა მის
კვალს ამ დრომდე ვერ მიაკვლიეს.
უკვე მეოთხე დღეა იორმუღანლოს თემის სოფელ ლამბალოდან მოტაცებულ მეთერთმეტეკლასელ გოგონას ეძებენ. სამართალდამცველებმა და ოჯახმა მის კვალს ამ დრომდე ვერ მიაკვლიეს.
16:10 / 15.10.2018
"სარდაფის ხელისფულება", " კრიმინალური ხელისუფლება", "ივანიშვილის კრმინალური დაჯგუფება." - ამ შინარსის პლაკატებით თელავში "ნაციონალურმა მოძრაობამ" აქცია გამართა.
14:36 / 15.10.2018
სხვა ამბები
განათლების და მეცნიერების სამინისტროს ინფორმაციით, უცხოეთიდან ქართულ სასწავლებლებში გადმოსულ სტუდენტებს, ზოგადი უნარების ჩაბარება მოუწევთ.
17:29 / 16-10-2018
ერთი ბნელი ძალის ორი პარტიის წარმომადგენლები საზღვარგარეთ გავიდნენ, ხელი მოაწერეს რაღაც ქარტიაზე იმის ნიშნად, რომ არ გალანძღავდნენ ერთმანეთს, ერთი იდეოლოგიის მატარებლები არიან და თავს ვერ იკავებენ, ერთმანეთსაც ლანძღავენ.
16:56 / 16-10-2018
მცხეთა სხვადასხვა კუთხით, სიმბოლოთი უნიკალურია, ამასვე მოწმობს ჩვენი ისტორია. ეს ქალაქი უნიკალურია ქართველებსა და ებრაელებს შორის ურთიერთობით, მსოფლიოში ამ ფაქტით ტოლერანტობის სიმბოლოდ მოვიაზრებით.
16:52 / 16-10-2018
ძუძუს კიბო არის სარძევე ჯირკვლის ავთვისებიანი სიმსივნე, იგი ყველაზე გავრცელებული კიბოა ქალთა პოპულაციაში და სიხშირით მეორე ადგილზეა ფილტვის კიბოს შემდეგ.
15:02 / 16-10-2018
მე არ ვარ თერგდალეული, მე ვარ სენადალეული და თურმე ეს არის ამ ქვეყანაში დანაშაული,-ასე მიმართა ყაზბეგელებს პრეზიდენტობის კანდიდატმა სალომე ზურაბიშვილმა ყაზბეგში ამომრჩეველთან შეხვედრისას.
10:58 / 16-10-2018
ვალუტა
EUR
EUR
1
3.0536
USD
USD
1
2.5751
GBP
GBP
1
3.4411
TRY
TRY
1
0.6764
RUB
RUB
100
4.4602
ამინდი
გურჯაანი 1 / 11 °C
img
საგარეჯო 1 / 8 °C
img
დ.წყარო 2 / 7 °C
img
სიღნაღი 1 / 11 °C
img
ლაგოდეხი 3 / 11 °C
img
ყვარელი 1 / 11 °C
img
თელავი 3 / 10 °C
img
ახმეტა 2 / 10 °C
img
კალენდარი
«« ოქტომბერი 2018 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.