ძროხა თელავის მერიასთან - "ლეიბორისტული პარტიის" წევრის პერფორმანსი
ლეიბორისტული პარტიის კახეთის რეგიონული ორგანიზაციის თავმჯდომარე
ნიკა ვარდოშვილმა, დღეს თელავის მუნიციპალიტეტის მერიასთან ძროხა
მიიყვანა.
მისი განცხადებით, ის ამ ფორმით ქალაქ ბიბერახის მიერ თელავისთვის 2
ათასი ევროს ღირებულების ხარის სპერმის გამოგზავნას
გამოეხმაურა.
-"წინა თვითმმართველობის დროს, გერმანულ მხარესთან ვმუშაობდით ქალაქის
განვითარების გენერალური გეგმის შემუშავებაზე და ამაში ვითხოვდით
მხარდაჭერას. გენგეგმა დღეს არავის ახსოვს და ითხოვენ ხარის
სპსერმას", - აღნიშნა ვარდოშვილმა.
ამ პერფომანსს ადგილობრივმა ხელისუფლებამ არასერიოზული უწოდა. თელავის
მუნიციპალიტეტის მერის შოთა ნარეკლიშვილის განცხადებით, პროექტი,
რომლის ფარგლებშიც ბიბერახიდან ხარის სპერმა მიიღეს, 2015 წლიდან
ხორციელდება და ფერმერების ხელშეწყობას ისახავს მიზნად.
მასალის გამოყენების პირობები