სიღნაღის მუნიციპალიტეტის სოფელ ნუკრიანში მცხოვრებ
ამერიკის მოქალაქეს თანასოფლელი მალხაზ ხმალაძე მოკვლით ემუქრება.
ჯეფ ატეფ ეზატ აზიზი მეუღლესთან ერთად უკვე 5 წელია ნუკრიანში
ცხოვრობს. მათ ღვინის მაღაზია და საოჯახო სასტუმრო აქვთ.
ბიზნესმენი ჰყვება, რომ მალხაზ ხმალაძე მათგან ღვინის თვითნებურად
წაღებას ცდილობდა , რისი საშუალებაც არ მისცეს. ამის შემდეგ
თავდამსხმელი მოკვლით დაემუქრა, შემდეგ კი ოჯახის კუთვნილი
ავტომანქანა ნაჯახით დააზიანა.
როგორც speqtri.ge-ს შინაგან საქმეთა სამინისტროში განუცხადეს,
გამოძიება სისლხის სამართლის კოდექსის 187-ე მუხლით დაიწყო, რაც
სხვისი ნივთის დაზიანებას ან განადგურებას გულისხმობს.
ოჯახი სამართალდამცველებს გულგრილობაში ადანაშაულებს და აცხადებს, რომ
დამანაშავე მათთვის რეალურ საფრთხეს წარმოადგენს და მისი დროულად
დაკავება აუცილებელია.
მასალის გამოყენების პირობები