27-29 ივნისს გურჯაანის კულტურის ცენტრში ფესტივალი „კუუსალუ-გურჯაანი“ ჩატარდება. მერიის კულტურის სამსახურის უფროსის ეკა ცისკარაშვილის თქმით, ფესტივალში მონაწილეობას ესტონეთის კუუსალუს მუნიციპალიტეტის წარმომადგენლები მიიღებენ.
„ეს იქნება საგუნდო და ხალხური სიმღერის საერთაშორისო ფესტივალი. მასში მონაწილეობას ესტონეთიდან ჩამოსული 40 კაციანი დელეგაცია მიიღებს . სტუმრად გვეყოლება ესტონეთის აკადემიური და ასევე ბავშვთა გუნდი. ასევე ჩამოდიან კუუსალოს მუნიციპალიტეტის მერი - მონიკა სალუ და საკრებულოს თავმჯდომარე- მაით კრონსტრომი. ჩვენი ადგილობრივი ანსამბლების გარდა კიდევ მონაწილეობას იღებენ, საქართველოს სხვადასხვა მუნიციპალიტეტებიდან ჩამოსული გუნდები. ფესტივალი კულტურის სამსახურისა და მუსიკალური სკოლის ინიციატივით ტარდება და მხარს გურჯაანის მერია გვიჭერს.“