გურჯაანის მუნიციპალიტეტის ერთ-ერთი საჯარო სკოლის მეხუთეკლასელმა მოსწავლემ თავის თანაკლასელ გოგონას წერილი მისწერა, სადაც თვითმკვლელობაზე საუბრობს.
როგორც speqtri.ge-მ საგანმანათლებლო დაწესებულებაში გაარკვია, ბიჭმა გოგონას ყვავილები მიუტანა, მას შემდეგ კი რაც არ გამოართვა, აღნიშნული წერილი გაუგზავნა. წერილი მოსწავლემ მანდატურსა და სკოლის დირექტორს აჩვენა, მათ პოლიციას მიმართეს.

გურჯაანის რაიონული სამმართველოს თანამშრომლებმა მოსწავლეები და მათი მშობლები უკვე გამოკითხეს. ბიჭმა განაცხადა, რომ მან უბრალოდ იხუმრა.