ტრაქტორი, რომლითაც პანკისის ხეობაში ჰესის მშენებელ კომპანიას სამუშაოები უნდა დაეწყო, ადიდებულ მდინარე ალაზანს მიაქვს. ამსახველი ფოტო და ვიდეო მასალა სოციალურ ქსელში ადგილობრივმა მკვიდრმა სულხან ბორძიკაშვილმა გაავრცელა.
შეგახსნებთ, რომ 21 აპრილს პანკისის ხეობის მაცხოვრებლებმა სოფელ ძიბახევში, ჰესის მშენებლობის დაწყება კიდევ ერთხელ გააპროტესტეს. ადგილობრივებმა ცეცხლი წაუკიდეს პოლიციის მანქანებსა და ტრაქტორს. სამართალდამცავებსა და ადგილობრივებს შორის მომხდარი დაპირისპირების შედეგად, შსს-ს მონაცემებით, 55 ადამიანი დაშავდა - 38 პოლიციელი და 17 მოქალაქე.