გურჯაანის მუნიციპალიტეტში სოფლის დახმარების პროგრამის ფარგლებში
სამუშაოები რამდენიმე დღეში დაიწყება. მერიის ინფრასტრუქტურის
სამსახურის უფროსის, კოტე ბერიძიშვილის განმარტებით, გამარჯვებულ
კომპანიებთან უკვე ფორმდება ხელშეკრულებები.
„ სოფლის პროგრამების განხორციელება, კორონავირუსის გამო, ცოტა
შეფერხდა. დაწყებულია ხელშეკრულებების გაფორმება, სავარაუდოდ, ეს
პროცესი კვირის ბოლოს დასრულდება და 15 ივნისიდან სამუშაოები
ოცდაათივე სოფელში დაიწყება. მოსახლეობამ ძირითად პრიორიტეტად წელს
გარე-განათება, სკვერების, წყლის ქსელებისა და სანიაღვრე არხების
მოწყობა დაასახელა.“
მისივე თქმით, წელს სოფლის მხარდაჭერის პროგრამის ფარგლებში 520 ათასი
ლარია გამოყოფილი.
მასალის გამოყენების პირობები