დღეს გურჯაანის მაჟორიტარი დეპუტატი, დავით სონღულაშვილი, კოლეგასთან,
ნინო წილოსანთან ერთად, გურჯაანს ესტუმრა.
ისინი კამპანიის ფარგლებში - „იმოგზაურე შენს ქვეყანში“ - ადგილზე
გაეცნობიან სიტუაციას, თუ რამდენად მომზადებული ხვდება შიდა ტურიზმის
გახსნას მუნიციპალიტეტი. ჯგუფი ესტუმრება სოფელ კარდენახში ,,ნაღდ
მარანს”. დაგეგმილია ვიზიტი ნატო ვაჩნაძის სახლ-მუზეუმში, გიდებთან
შეხვედრა, დაესწრებიან სასტუმრო “Villa Art Kotekhi” -ს გახსნას.
დაგეგმილ ტურში მონაწილეობას იღებენ: გასტრონომიული ტურიზმის ბიზნეს
ასოციაციის დამფუძნებელი ქეთი კვიჭიძე, ტურისტული გვერდის „გიდინფოს“
მფლობელი რუსიკო ჯაფარიძე, ტუროპერატორი ალექსანდრე გიორგიძე,
ფოტოგრაფი პაატა ვარდანაშვილი, შეფი დადუნა ღლონტი და ტუროპერატორი
ზაზა სიჭინავა.“ - განმარტავენ გურჯაანის მუნიციპალიტეტის
მერიაში.
აქვე შეგახსენებთ, რომ დღეიდან საქართველოში შიდა ტურიზმი
იხსნება.
მასალის გამოყენების პირობები