შესაძლოა,თვითდასაქმებულთა კომპენსაციის მიმღებთა რაოდენობა გაიზარდოს
პარლამენტის საფინანსო-საბიუჯეტო კომიტეტის თავმჯდომარის ირაკლი
კოვზანაძის განცხადებით, შესაძლოა გაფართოვდეს კომპენსაციის მიმღებთა
რაოდენობა იმ თვითდასაქმებულებისთვის, რომლებმაც ვერ წარმოადგინეს
შესაბამისი დოკუმენტაცია.
მისივე თქმით, მთავრობამ 2020 წლის ბიუჯეტის პროექტის გადამუშავებული
ვარიანტი პარლამენტში ვადების დაცვით შემოიტანა. პირველად ვერსიასთან
შედარებით ნაწილობრივ გათვალისწინებულია პარლამენტის შენიშვნები და
რეკომენდაციები.
„როგორც იცით, 2020 წლის კორექტირებულ ბიუჯეტში ვალის მოცულობა და
დეფიციტი საგრძნობლად იცვლება. ბიუჯეტის პროექტით, 2020 წლის
ბოლოსთვის მთავრობის ვალის მშპ-თან ფარდობის საპროგნოზო მაჩვენებელი
შეადგენს 54.4%-ს, ხოლო დეფიციტი 8.5%-ია. რაც შეეხება სხვა
პარამეტრებს, პირვანდელ ვარიანტთან შედარებით არ შეცვლილა. ბიუჯეტის
პროექტში ჩადებულია ეკონომიკის შემცირება მინუს 4 %. 2020 წელს
სახელმწიფო ბიუჯეტიდან დაიხარჯება 15.923 მილიარდი ლარი. 2020 წლის
ბიუჯეტით გადაზღვეულია რისკები უმუშევრად დარჩენილი ადამიანებისთვის,“
- განაცხადა მან.
მასალის გამოყენების პირობები