საქართველოში კორონავირუსი კიდევ სამი შემთხვევა დაფიქსირდა. გამოჯანმრთელდა 10 ადამიანი. ახალ ინფიცირებულებს შორის ერთ-ერთი ათი თვის ბავშვია, რომელსაც ვირუსი გუშინ, 15 ივლისს დაუდასტურდა.

StopCov-ის ინფორმაციით, ქვეყანაში კორონავირუსის სულ 1006 შემთხვევაა გამოვლენილი, აქედან 883 ადამიანი უკვე გამოჯანმრთელდა, ხოლო 15 გარდაიცვალა. კარანტინის რეჟიმში რჩება 5 640 პირი, სტაციონარში მეთვალყურეობის ქვეშ — 244. უცხოეთიდან საქართველოში სამკურნალოდ 31 ადამიანი გადმოიყვანეს.