ბოლო 24 საათში საქართველოში სამედიცინო პერსონალის კორონავირუსით დაინფიცირების 123 შემთხვევა დაფიქსირდა. ამის შესახებ დაავადებათა კონტროლისა და საზოგადოებრივი ჯანდაცვის ცენტრის ხელმძღვანელმა ამირან გამყრელიძემ განაცხადა.

„სამწუხაროდ, გვიზიანდება სამედიცინო პერსონალი. დღევანდელი დილისთვის 123-ია ასეთი. იცით, რომ სამწუხაროდ გარდაგვეცვალა ერთი ჩვენი კოლეგა, სასწრაფოს ექიმი“, – განაცხადა მან.

მისივე თქმით, ამ ეტაპზე ქვეყანაში სამედიცინო განათლების მქონე 31 000 ადამიანია, რომლებსაც საჭიროების შემთხვევაში პანდემიის მართვისთვის დაიხმარენ.
„მოგეხსენებათ სამედიცინო პერსონალში დაინფიცირების მაჩვენებელი გვაქვს 1 600-მდე. არიან ექიმები, ექთნები, უმცროსი სამედიცინო პერსონალი. ამიტომ მე-5, მე-6 კურსის სტუდენტები თავისუფლად იმუშავებენ კოვიდცენტრებში, იმუშავებენ ექიმების ასისტენტებად, ექთნების ასისტენტებად და მიეხმარებიან ამ ბრძოლაში ჩვენს სამედიცინო საზოგადოებას",

შეგახსენებთ, რომ მედიკოსებში COVID-19-ის გამოვლენის სულ 1 600–მდე შემთხვევაა დაფიქსირებული.