გურჯაანის სკოლამდელი სააღმზრდელო დაწესებულებების გაერთიანება,
პანდემიასთან დაკავშირებული არდადეგების გამო, საბავშვო ბაგა-ბაღების
აღსაზრდელებისთვის სასურსათო კალათების მომზადებას იწყებს.
გაერთიანების ხელმძღვანელის, ლელა თევდორაშვილის თქმით, ამისთვის 170
000 ლარია განსაზღვრული.
„სასურსათო კალათი ყველა იმ 2070 აღსაზრდელს გადაეცემა, რომელიც 37
საბავშვო ბაგა-ბაღში ამ დროისთვისაა რეგისტრირებული. თითოეული
სასურსათო კალათის სავარაუდო ღირებულება 80-90 ლარია. შემადგენლობაში
შედის: წიწიბურა, ბრინჯი, ლობიო, კარტოფილი, ხახვი , ვაშლი, ქათმის
ფილე, მაკარონი, შაქარი, ზეთი, რძე, ყველი, კვერცხი და საქონლის
ხორცი.“
მისივე თქმით, საბავშვო ბაგა-ბაღების აღსაზრდელები სასურსათო კალათებს
დეკემბერში მიიღებენ.
მასალის გამოყენების პირობები