საავტომობილო გზების დეპარტამენტის ინფორმაციით,
მცხეთა-სტეფანწმინდა-ლარსის საავტომობილო გზის გუდაური-კობის
მონაკვეთზე, როგორც გუდაურიდან ასევე კობიდან გზის გაწმენდითი
სამუშაოები მეორე დღეა ინტენსიურ რეჟიმში გრძელდება.
„გზის ძირითადი ნაწილი უკვე გაწმენდილია, რჩება მხოლოდ 3 კილომეტრი
(კმ99-კმ101), საიდაც 101-ე კილომეტრზე ზვავსაშიშროება ნარჩუნდება და
გაწმენდითი სამუშაოების დაწყება აღნიშნულ 1 კილომეტრზე ჯერ ვერ
ხერხდება. გარემოს ეროვნული სააგენტოს მიერ, ზვავსაშიშროების რეჟიმის
მოხსნისთანავე, ამ მონაკვეთზეც დაიწყება გაწმენდითი სამუშაოები და
ავტოტრანსპორტის მოძრაობა უმოკლეს ვადებში აღდგება.“- ნათქვამია
ინფორმაციაში.
შეგახსენებთ, რომ გუდაური-კობის მონაკვეთზე, ზავავსაშიშროების გამო
მოძრაობა 11 იანვრიდან აკრძალულია.
მასალის გამოყენების პირობები