არჩევნები
წინასაარჩევნო დარღვევები კახეთში
წინასაარჩევნო კამპანია აქტიურ ფაზაში შევიდა და დარღვევებიც გამოიკვეთა. როგორც სამართლიანი არჩევნებისა და დემოკრატიის საერთაშორისო საზოგადოების (ISFED)-ის მიერ მომზადებულ 2021 წლის ადგილობრივი თვითმმართველობის არჩევნების ოფიციალური წინასაარჩევნო პერიოდის მონიტორინგის I შუალედური ანგარიშიდან ჩანს, ყველაზე მეტი დარღვევა, სავარაუდოდ, პოლიტიკური ნიშნით გათავისუფლებას/წასვლის იძულებას უკავშირდება.

***
გიორგი სოლომნიშვილი, ა(ა)იპ გურჯაანის მუნიციპალური სერვისში შემდუღებლად მუშაობს. მანამდე კი, მერის წარმომადგენელი იყო სოფელ ვაზისუბანში. სხვა არაერთი საჯარო მოხელის მსგავსად, მან გადაწყვეტილება მიიღო და პარტიას „გახარია-საქართველოსთვის“ შეუერთდა. ის მაჟორიტარი კანდიდატი და სიის მე-10 ნომერია. ამბობს, რომ მას შემდეგ, რაც ის პარტიის ოფისის გახსნაზე მივიდა, სამსახურიდან წასვლა მოსთხოვეს.

„გიდასტურებთ, რომ იყო ჩემი გათავისუფლების მცდელობა. მითხრეს, კენჭს რადგან იყრი, განცხადება უნდა დაწეროო. მერე ეტყობა გაარკვიეს და მიხვდნენ, რომ შეცდომას უშვებდნენ. რადგან მანდ ვმუშაობდი და სხვა პარტიიდან ვიყრი კენჭს, არ ესიამოვნათ, თუ რა მოხდა, არ ვიცი.

დაახლოებით იანვრის ბოლოს გამათავისუფლეს მერის წარმომადგენლის პოზიციიდან, მას შემდეგ მაგ სამსახურში ვარ შემდუღებლად. სამ თვეში ერთხელ ახალ ხელშეკრულებას გვიფორმებდნენ, მე მგონი ნოემბერში გადის ვადა. იურისტმა მითხრა, რომ მოდი სამსახურში და განცხადება დაწერე გათავისუფლებაზეო. მე ვუპასუხე, ხელშეკრულებით ვარ, ვადა რომ გავა, ნუღარ გამიგრძელებთ; განცხადება რა აუცილებელია და მეორეც, კანონი არ მიკრძალავს და რატომ უნდა დავწერო-მეთქი?

ახლა არჩევნებისთვის თავისუფალი დრო მჭირდება. ამიტომ სამსახურში ყოველდღე სიარულს ვერ მოვახერხებდი და მე თვითონ დავწერე განცხადება უფასო შვებულებაზე, რადგან ფასიანი არ მეკუთვნოდა.

მათ ქმედებას, რაც გინდათ დაარქვით, გინდა ზეწოლა, გინდა უცოდინრობა. ფაქტობრივად, ზეწოლაა, რადგან გახარია რომ ჩამოვიდა, იქ ვიყავი და დამინახეს, მაშინვე მითხრეს, განცხადება დაწერეო“, - გვიყვება გიორგი სოლომნიშვილი.

მის ბრალდებას უარყოფს ა(ა)იპ გურჯაანის მუნიციპალური სერვისის დირექტორი ლევან წინწალაშვილი და ამბობს, რომ მსგავსი საუბარი არ ყოფილა.
„მასთან მსგავსი კომუნიკაცია არ ყოფილა. მაგ ადამიანმა პოლიტიკურ აქტივობასთან დაკავშირებით დაწერა განცხადება. ჩვენ, რა თქმა უნდა, დავაკმაყოფილეთ. ეგ ამბავი არასწორად გაჟღერდა. დაწერილი აქვს ამ ადამიანს განცხადება შვებულებაზე და მანდ მორჩა ყველაფერი“, - ამბობს ლევან წინწალაშვილი.
ზეწოლაზე საუბრობს ყვარლის საკრებულოს წევრი, „ქართული ოცნების“ ფრაქციის თავმჯდომარე - ნინო ხუციშვილიც. რომელმაც, ძმასთან, ლევან ხუციშვილთან ერთად, „ქართული ოცნება“ დატოვა.

„ის ღირებულებები, რითიც ქართული ოცნება მოვიდა, სრულად იქნა უგულებელყოფილი, გადაუხვიეს ყველა იმ ფასეულობას, რის გამოც მე მათ გვერდით წლების განმავლობაში ვიყავი და არაერთი შეცდომის მიუხედავად, ბოლომდე მჯეროდა, რომ ყველაფერი გამოსწორებადი იყო. თუმცა მათ შეცდომები შეგნებულ დანაშაულად აქციეს, რის გამოც ეს გადაწყვეტილება მივიღე“, - ამბობს speqtri.ge-სთან ნინო ხუციშვილი.

მისივე თქმით, ზეწოლა განხორციელდა ძმაზე, ლევან ხუციშვილზე, რომლის დაკავებასაც გეგმავდნენ.

აღნიშნული ფაქტი ორგანიზაციების „მრავალფეროვანი საქართველოსა“ და ISFED-ის ანგარიშშიც მოხვდა.

„ყვარელში, მერის წარმომადგენლებთან ურთიერთობის სამსახურის მთავარი სპეციალისტი, ლევან ხუციშვილი 23 აგვისტოს ყვარლის პოლიციის განყოფილებაში გამოკითხვაზე დაიბარეს. ლევან ხუციშვილის და, რომელიც ყვარლის მუნიციპალიტეტის საკრებულოს წევრია, ამბობს, რომ დაბარება უკავშირდებოდა ფეისბუქზე გაკეთებულ კომენტარს, ბრალდებას, თითქოს, ლევან ხუციშვილმა სოციალური ქსელში ერთ ადამიანს სიტყვიერი შეურაცხყოფა მიაყენა. ნინო ხუციშვილის თქმით, საჩივრის შემტანი პირი სუსთან თანამშრომლობაშია შემჩნეული. ლევან ხუციშვილი გამორიცხავს ფეისბუქზე ისეთი აქტივობის განხორციელებას, რის გამოც შეიძლება პასუხისმგებლობა დაეკისროს.

ნინო ხუციშვილი არ გამორიცხავს, რომ მისი ოჯახის წინააღმდეგ მომავალშიც განხორციელდეს პროვოკაციული ქმედებები მმართველი პარტიის მხრიდან. ოჯახის პოლიტიკური ნიშნით დევნას იგი უკავშირებს პარტია „საქართველოსთვის“ კახეთის რეგიონულ წარმომადგენელთან კომუნიკაციას, რომელიც სთავაზობდა ადგილს პარტიულ სიაში, რაზეც უარი განაცხადა.

ლევან ხუციშვილი 26 აგვისტოს ინფარქტით საავადმყოფოში გადაიყვანეს, რასაც და ასევე პოლიტიკურ ზეწოლას უკავშირებს“, – ვკითხულობთ ISFED-ის ანგარიშში.

როგორც ნინო ხუციშვილი გვეუბნება, ზეწოლითა და მუქარით „ქართულმა ოცნებამ“ ოპოზიციური პარტიის წარმომადგენლებს კანდიდატურებიც მოახსნევინა.
„ზეწოლა-მუქარის გამო კანდიდატურები მოხსნა გახარიას პარტიის ორმა მაჟორიტარმა კანდიდატმა. ასევე, ერთ დამოუკიდებელ კანდიდატს და ისე დაემუქრნენ, რომ დღეს მათ ულაიქებთ. ის პირადად მელაპარაკა იმ ფორმებზე, რითიც დააშინეს. დაემუქრნენ, რომ არ გაახარებდნენ, მაგრამ ხმამაღლა საუბარს ვერ ბედავს. როცა შეგაშინებენ, ხომ იმას ნიშნავს, რომ თან გაჩუმებენ.“

წინასაარჩევნოდ ზეწოლებსა და არათანაბარ პირობებზე საუბრობს „ერთიანი ნაციონალური მოძრაობის“ გურჯაანის რაიონული ორგანიზაციის ხელმძღვანელი, თემურ ბუწაშვილი.

„სკოლის დირექტორების მხრიდან მასწავლებლებზე ზეწოლა სისტემურ ხასიათს ატარებს. რესურსცენტრი პირდაპირ ასრულებს ხელისუფლებლების დავალებებს და სკოლებში დასაქმებულ პედაგოგებისგან არჩევანის ღიად გამოხატვას ითხოვს. მათ ავალდებულებენ, რომ კაბინიდან გამოიტანონ გახსნილი ბიულეტინი, რომელიც უბანზე მყოფ ხელისუფლების წარმომადგენელს უნდა აჩვენონ.
წინასაარჩევნო კამპანია არათანაბარ პირობებში მიმდინარეობს. არცერთი ბანერის განთავსების საშუალება არ მოგვეცა, რადგან კერძო მესაკუთრეები ჩვენთან საქმიან ურთიერთობას ერიდებიან. რამდენსაც მივმართეთ, ყველა ჯერზე უარი მივიღეთ. დღესავით ნათელია, რომ მინიმუმ ხელისუფლებას ერიდებიან, მაქსიმუმ - ზეწოლას.“

გურჯაანის საგანმანათლებლო რესურსცენტრის უფროსი დალი მინდიაშვილი ამბობს, რომ მას მსგავსი მითითება არავისთვის მიუცია.

„მე პირადად, არავისთვის, არასოდეს მითქვამს ამგვარი რამ, დირექტორებისთვის არ დამივალებია, მასწავლებლებს არ შევხვედრივარ. ისიც ზუსტად ვიცი, რომ დირექტორები საკუთარ თავზე არ აიღებენ ასეთ პასუხისმგებლობას, იმიტომ, რომ არასწორია. თუმცა, თუ ვინმეს მსგავსი რამ უთქვამს, რაც ძალიან მეეჭვება, ამას აუცილებლად გადავამოწმებ და გავაფრთხილებ, რომ არასწორად იქცევა.“

ის, რომ ზოგადად სკოლების, საბავშვო ბაღების, სკოლისგარეშე საგანმანათლებლო დაწესებულებების პოლიტიზება, საქართველოში დამკვიდრებული სამწუხარო პრაქტიკაა, - ამის შესახებ ISFED-შიც აღნიშნავენ.

როგორც ორგანიზაციის ანგარიშში ვკითხულობთ, ყოველი არჩევნების წინ, ამ პრობლემის აქტუალობა მკვეთრად იმატებს. საგანმანათლებლო და სააღმზრდელო დაწესებულებების პერსონალი მმართველი პარტიის მიერ მნიშვნელოვან საარჩევნო რესურსად მოიაზრება და სააგიტაციო მიზნებისთვის ხშირად იყენებენ, მათ შორის, იძულების გზით.

„დასაქმების პრობლემის სიმწვავის გათვალისწინებით, მასწავლებელთა დიდ ნაწილს ამ პრაქტიკაზე საჯაროდ საუბარი არ სურს. ამასთან, სკოლის პერსონალი ადგილობრივ მოსახლეობაში ავტორიტეტით სარგებლობს. შესაბამისად, ხელისუფლება მოწოდებულია, ისინი თავის სამსახურში ჩააყენოს. ეს განსაკუთრებით ეხება დირექტორებს, რომელთა ნაწილი მმართველი გუნდის სასარგებლოდ ამომრჩევლის მობილიზაციის ფუნქციასაც ასრულებს, მათ შორის, ზემოქმედებს მასწავლებლებზე. ასეთი საკვანძო როლის გათვალისწინებით, ხელისუფლება ყველაფერს აკეთებს მორჩილი დირექტორების შესარჩევად. „ურჩთა“ სამაგალითოდ დასასჯელად, კი, მრავალი ბერკეტია გამოყენებული, მათ შორის: სამსახურიდან გათავისუფლება, ხელშეკრულების დაუსაბუთებლად გაუგრძელებლობა, სკოლებში აუდიტისა და ინსპექტირების ჩატარება და ა.შ.“ - აღნიშნულია ანგარიშში.

21 სექტემბრის მონაცემებით, წინასაარჩევნო პერიოდში არსებულ დარღვევებთან დაკავშირებით, კახეთის 8 საარჩევნო ოლქიდან საჩივარი მხოლოდ ხუთ ოლქშია შესული: თელავში (3 საჩივარი), დედოფლისწყაროში (2 საჩივარი), საგარეჯოში (1 საჩივარი), ლაგოდეხსა (1 საჩივარი) და გურჯაანში (1 საჩივარი). საჩივრები ეხება წინასაარჩევნო კამპანიის (აგიტაციის) მოთხოვნათა დარღვევას, საუბნო საარჩევნო კომისიის წევრის არჩევას, ადმინისტრაციული რესურსის გამოყენებას და სააგიტაციო მასალის განთავსების წესების დარღვევას.



სტატია ქვეყნდება პროექტის „გამჭვირვალე არჩევნები და მედია" ფარგლებში.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
| Print |  E-mail
FaceBook Twitter Google
ამავე კატეგორიაში
პარტია
პარტია "ევროპული საქართველო" 2 ოქტომბრის არჩევნებში დამარცხებულ კანდიდატებს, პოლიტიკურ ფიგურებს არჩევნების მეორე ტურებში საარჩევნო უბნებზე დამკვირვებლებად წარადგენს. იმავე ქმედებისკენ მოუწოდა სხვა ოპოზიციურ პარტიებს "ევროპული საქართველოს" თავმჯდომარემ, გიგა ბოკერიამ.
13:33 / 13.10.2021
გურჯაანის მუნიციპალიტეტის საკრებულო 39 წევრით დაკომპლექტდება.
წინასწარი შედეგები ცნობილია, თუმცა, სხვა ოლქებისგან განსხვავებით, 1
მანდატი ჯერ კიდევ თავისუფალია.
გურჯაანის მუნიციპალიტეტის საკრებულო 39 წევრით დაკომპლექტდება. წინასწარი შედეგები ცნობილია, თუმცა, სხვა ოლქებისგან განსხვავებით, 1 მანდატი ჯერ კიდევ თავისუფალია.
13:50 / 07.10.2021
დასრულდა თელავის N17 საოლქო საარჩევნო კომისიაში საჩივრების
განხილვა, თუმცა გასაჩივრების ვადები ჯერ არ ამოწურულა. წინასწარი
შედეგებით, თელავის მუნიციპალიტეტის საკრებულოში პროპორციული
არჩევნების შედეგად „ქართულ ოცნებას“ ეყოლება 13 კანდიდატი,
„ნაციოალურ მოძრაობას“ – 12, ხოლო „გახარია საქართველოსთვის“ – 1.
დასრულდა თელავის N17 საოლქო საარჩევნო კომისიაში საჩივრების განხილვა, თუმცა გასაჩივრების ვადები ჯერ არ ამოწურულა. წინასწარი შედეგებით, თელავის მუნიციპალიტეტის საკრებულოში პროპორციული არჩევნების შედეგად „ქართულ ოცნებას“ ეყოლება 13 კანდიდატი, „ნაციოალურ მოძრაობას“ – 12, ხოლო „გახარია საქართველოსთვის“ – 1.
11:57 / 07.10.2021
ახმეტის მუნიციპალიტეტის საკრებულოში პროპორციული სისტემით ჩატარებული
არჩევნების შედეგად ქართულ ოცნებას 10 დეპუტატი ეყოლება, ნაციონალურ
მოძროაბას -9, ხოლო გახარიას - 1.
ახმეტის მუნიციპალიტეტის საკრებულოში პროპორციული სისტემით ჩატარებული არჩევნების შედეგად ქართულ ოცნებას 10 დეპუტატი ეყოლება, ნაციონალურ მოძროაბას -9, ხოლო გახარიას - 1.
16:30 / 05.10.2021
სამართალი
შსს-ს ინფორმაციით, ფინანსური სარგებლის მიღების მიზნით კომპიუტერულ სისტემაში უნებართვოდ შეღწევის ბრალდებით, 2000 წელს დაბადებული, წარსულში ანალოგიური დანაშაულისთვის ნასამართლევი ა.ბ. დააკავეს.
13:22 / 13-10-2021
შიდა ქართლში, 13 წლის შვილიშვილის გაუპატიურების ბრალდებით სამართალდამცავებმა ბაბუა დააკავეს.
13:14 / 13-10-2021
მკვლელობაში ბრალდებულ ოლიმპიურ ჩემპიონსა და ყოფილ დეპუტატს, ზურაბ ზვიადაურს ძმის დაკრძალვაზე მისვლის უფლება მისცეს. ბრალდებულს ახმეტაში ბადრაგი ჩაიყვანს.
12:07 / 19-08-2021
ეკონომიკა
ამ დროისთვის ჯუგაანი-ბოდბისხევი-წნორის დამაკავშირებელი გზის რეაბილიტაცია მიმდინარეობს.
15:16 / 21-10-2021
სოფელ ჯიმითისა და ნანიანის მუდმივი წყალმომარაგებისთვის, საქართველოს რეგიონული განვითარებისა და ინფრასტრუქტურის სამინისტროს წყალმომარაგების კომპანია საპროექტო სამუშაოებს ახორციელებს.
13:56 / 20-10-2021
სხვა ამბები
ჩვენთვის პრინციპული საკითხია ზუგდიდში მეორე ტურის მოგება, დარწმუნებული ვართ, მამუკა წოწერია მეორე ტურში აუცილებლად გაიმარჯვებს - განაცხადა „ქართული ოცნების“ თავმჯდომარე ირაკლი კობახიძემ ზუგდიდში გამართული შეხვედრის შემდეგ.
17:46 / 21-10-2021
ჩვენ დღეს ვიმყოფებოდით ჩხოროწყუს მუნიციპალიტეტში, შევხვდით ჩვენი პარტიის წარმომადგენლებს, შტაბთან გავმართეთ შეხვედრა, ძალიან ძლიერი განწყობაა, რა თქმა უნდა, ვემზადებით გამარჯვებისთვის, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს ჩხოროწყუში განუცხადა.
17:04 / 21-10-2021
კახა კალაძემ მედიასთან საუბრისას ოპოზიციის მიერ წარდგენილი ე.წ. კოალიციური მთავრობის იდეა შეაფასა და მას პოლიტიკური პერფორმანსი უწოდა.
16:37 / 21-10-2021
„ქართული ოცნების“ თბილისის მერობის კანდიდატი კახა კალაძე წინასაარჩევნო შეხვედრებს განაგრძობს და ამომრჩეველს ქალაქის განვითარების ოთხწლიან გეგმას დეტალურად აცნობს. ამჯერად, მან შეხვედრა სტუდენტებთან გამართა და მოუწოდა, თბილისის განვითარებისთვის მნიშვნელოვან პროცესებში აქტიურად ჩაერთონ.
16:35 / 21-10-2021
რუსთავს განსაკუთრებული როლი აქვს ქართულ ეკონომიკაში, ქვეყნის ცხოვრებაში და სჭირდება მეტი ყურადღება, ყველაფერი უნდა გაკეთდეს იმისთვის, რომ რუსთავს მიეცეს კიდევ უფრო სწრაფად განვითარების საშუალება.
16:32 / 21-10-2021
არჩევნები 2021
პარტია "ევროპული საქართველო" 2 ოქტომბრის არჩევნებში დამარცხებულ კანდიდატებს, პოლიტიკურ ფიგურებს არჩევნების მეორე ტურებში საარჩევნო უბნებზე დამკვირვებლებად წარადგენს. იმავე ქმედებისკენ მოუწოდა სხვა ოპოზიციურ პარტიებს "ევროპული საქართველოს" თავმჯდომარემ, გიგა ბოკერიამ.
13:33 / 13-10-2021
ტესტი
1939 წლის 26 მარტს დაიბადა თანამედროვე ქართველი კლასიკოსი მწერალი, გურამ დოჩანაშვილი. მისი უამრავი ნაწარმოები შეიყვარა საზოგადოებამ. გთავაზობთ კითხვარს, რომელიც სწორედ გურამ დოჩანაშვილის შემოქმედებას ეხება. უპასუხე კითხვებს და გაიგე, რამდენად კარგად იცნობ მის ნაწამოებებს.
08:59 / 26-03-2021
ვალუტა
EUR
EUR
1
3.6561
USD
USD
1
3.1410
GBP
GBP
1
4.3346
TRY
TRY
1
0.3379
RUB
RUB
100
4.4164
ამინდი
გურჯაანი 6 / 18 °C
img
საგარეჯო 4 / 16 °C
img
დ.წყარო 6 / 13 °C
img
სიღნაღი 6 / 18 °C
img
ლაგოდეხი 6 / 15 °C
img
ყვარელი 6 / 18 °C
img
თელავი 5 / 17 °C
img
ახმეტა 4 / 17 °C
img
კალენდარი

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.