რუსეთმა უკრაინაში ჟიტომირის ოლქს შეუტია. ინფორმაციას აღნიშნულთან დაკავშირებით უკრაინის საგანგებო სიტუაციების სამსახური ავრცელებს.

უწყების ცნობით, ავიაციამ ქალაქ მალინში მდებარე საცხოვრებელი სახლები დაბომბა- დაიღუპა სამი ზრდასრული და ორი ბავშვი, მათ შორის, ერთ-ერთი 2021 წელს იყო დაბადებული. დანგრეულია შვიდი ერთსართულიანი სახლი.

მიმდინარეობს სამძებრო-სამაშველო სამუშაოები.

შეგახსენებთ, რომ რუსეთის მიერ გუშინ, 8 მარტს, ქალაქ სუმის დაბომბვის შედეგად გარდაიცვალა 9 ადამიანი, მათ შორის, 2 ბავშვი.