საქართველოში პირადობის მოწმობა და ბიომეტრიული პასპორტი ძვირდება,
ინფორმაცია ამის შესახებ
საკანონმდებლო მაცნეზე გამოქვეყნდა.
ცვლილების მიხედვით, 2022 წლის 1-ლი მაისიდან პირადობის ელექტრონული
მოწმობა 30 ლარის ნაცვლად 60 ლარი ეღირება, ბიომეტრიული პასპორტი კი
100 ლარის ნაცვლად - 150 ლარი.
აღნიშნული ფასი ვრცელდება 10 სამუშაო დღის შემდეგ აღების შემთხვევაში,
ხოლო დაჩქარებული წესით აღებისას - საფასური იზრდება.
საქართველოს მოქალაქის პირადობის ელექტრონული მოწმობის, საქართველოში
მუდმივად მცხოვრები უცხოელისა და საქართველოში სტატუსის მქონე
მოქალაქეობის არმქონე პირის ბინადრობის ელექტრონული მოწმობების
განაცხადის შეტანიდან მე-5 სამუშაო დღეს გაცემისათვის – მომსახურების
ძირითად საფასურს ემატება დაჩქარებული მომსახურების თანხა − 20
ლარი; მე-3 სამუშაო დღეს გაცემისათვის – 40 ლარი;
მე-2 სამუშაო დღეს გაცემისათვის – 60 ლარი; ხოლო იმავე დღეს
გაცემისათვის – 90 ლარი.
რაც შეეხება საქართველოს მოქალაქის ბიომეტრიულ პასპორტსა და
საქართველოში სტატუსის მქონე მოქალაქეობის არმქონე პირის ბიომეტრიულ
სამგზავრო პასპორტს, ამ შემთხვევაში, განაცხადის შეტანიდან მე-5
სამუშაო დღეს გაცემისათვის – ძირითად საფასურს დაემატება დაჩქარებული
მომსახურების ღირებულება − 30 ლარი; მე-3 სამუშაო დღეს
გაცემისათვის – 75 ლარი; მე-2 სამუშაო დღეს გაცემისათვის − 150
ლარი;
იმავე დღეს გაცემისათვის კი − 200 ლარი.
მასალის გამოყენების პირობები