გურჯაანის სკოლამდელი სააღმზრდელო დაწესებულებების გაერთიანებას ახალი ხელმძღვანელი ჰყავს. აღნიშნულ პოზიციაზე გურჯაანის მუნიციპალიტეტის მერიის შესყიდვების უფროსი სპეციალისტი ნატა რუაძე დაინიშნა.

მისი განმარტებით, გამოცხადებული იყო ვაკანსია და შემოთავაზების შედეგად, მოვალეობის შესრულებას 7 დეკემბრიდან შეუდგა.

„გურჯაანის მუნიციპალიტეტის მერიაში ვმუშაობდი იურიდიულ სამსახურში, უფროს სპეციალისტად. იყო გამოცხადებული ვაკანსია და შემოთავაზების შედეგად, 7 დეკემბრიდან გადმოვედი ბაღების გაერთიანებაში,“-ამბობს Speqtri.ge-სთან საუბარში ნატა რუაძე.

როგორც ბაღების გაერთიანების ყოფილი დირექტორი, შორენა ფროდიაშვილი Speqtri.ge-სთან საუბარში აღნიშნავს, თანამდებობა საკუთარი სურვილით დატოვა.

მისივე თქმით, ის რჩება ბაღების გაერთიანებაში და მუშაობას აგრძელებს კვება-ჰიგიენის საკითხების წამყვანი სპეციალისტის პოზიციაზე.