გურჯაანის საზოგადოებრივი ჯანდაცვის სამსახურის ინფორმაციით,
სილამაზის სალონების აღრიცხვა, პასპორტიზაცია და მონიტორინგი
მიმდინარეობს.
„ამ ეტაპზე აქტიურად მიმდინარეობს სალონების აღრიცხვა-პასპორტიზაცია.
სულ მუნიციპალიტეტში 100- ზე მეტი ამ საქმიანობის მწარმოებელი
პროვაიდერი აღირიცხა, რომელთაც მიეცათ რეკომენდაცია ეკონომიკურ
საქმიანობათა რეესტრში რეგისტრაციის გასაახლებლად. ხოლო შერჩევითი
კონტროლი-მონიტორინგის განხორციელება დიწყება უახლოეს პერიოდში
ინფექციური დაავადების გავრცელებისა და საზოგადოებრივი ჯანმრთელობის
უსაფრთხოების უზრუნველყოფის მიზნით,“-აცხადებენ უწყებაში.
მათივე თქმით, აღნიშნული უფლებამოსილება C ჰეპატიტის ელიმინაციის
პროგრამის ფარგლებში შემუშავებული საქართველოს მთავრობის 2015 წლის 14
სექტემბრის N 473 დადგენილებით განისაზღვრა და ესთეტიკური საქმიანობის
ტექნიკური რეგლამენტის მოთხოვნათა შესაბამისობას აფასებს.
ცნობისთვის, გურჯაანის საზოგადოებრივი ჯანდაცვის სამსახური, როგორც
უფლებამოსილი ორგანო, აქტიურ ზედამხედველობას ახორციელებს მუნიციპალურ
ტერიტორიაზე არსებულ სილამაზის სალონებში.
მასალის გამოყენების პირობები