თელავის მუნიციპალიტეტში 2023 წლის 16 იანვრიდან მგზავრობა ფასიანი
გახდება. თანხის გადახდა ბარათით იქნება შესაძლებელი. მერიის
ინფორმაციით, გადახდისას მოქალაქეს შესაძლებლობა ექნება გამოიყენოს
როგორც თიბისის ნებისმიერი საკრედიტო/სადებეტო ბარათი, ისე
სატრანსპორტო ბარათი.
სამგზავრო ბარათის ღირებულება 2 ლარი იქნება. ამოქმედდება
კონტროლიორების სისტემაც.
აღსანიშნავია, რომ შეღავათით მოსარგებლე პირებს მგზავრობის საფასურის
გადახდა შეეძლებათ პერსონიფიცირებული სატრანსპორტო ბარათების
გამოყენებით, რომელიც უსასყიდლოდ გადაეცემათ.
დამატებითი ინფორმაციისთვის შეგიძლიათ დაუკავშირდეთ: 0 350 27 23
00.
შეგახსენებთ, რომ მუნიციპალური ტრანსპორტით სარგებლობის შეღავათიანი
ტარიფის მისაღებად მოქალაქეთა რეგისტრაცია გრძელდება.
ცნობისთვის, სატრანსპორტო ბარათის აღება შესაძლებელია თიბისის თელავის
ფილიალში (მის: ქ.თელავი, რუსთაველის 27), სატრანსპორტო ბარათის
აღებას ასევე შეძლებთ სპარის მაღაზიათა ქსელში.
მუნიციპალური ტრანსპორტით სარგებლობის შეღავათიანი ტარიფით მოსარგებლე
კატეგორიის ჩამონათვალი
იხილეთ
ბმულზე.
მასალის გამოყენების პირობები