გუშინ ძლიერმა ქარმა გურჯაანის მუნიციპალიტეტის რამდენიმე სოფლის მოსახლეობა დააზარალა. სტიქიამ ათეულობით სახლს სახურავი გადახადა, მოგლეჯილია ხეები და ღობეები, დაზიანებულია ელექტროგადამცემი ხაზები. როგორც მუნიციპალიტეტის მერის მოადგილემ speqtri.ge-ს განუცხადა, კომისიები ადგილზე მუშაობენ და ზარალს ითვლიან.

„უკანა მხრის ზონაში, ბაკურციხესა და ვეჯინშიც გვაქვს დაზიანებები. ეხლაც ორი კომისიაა გასული, სათითაო სახლს ამოწმებენ და ითვლიან ზარალს. დილის 9 საათისთვის უკვე იყო 35 ბინა და შემდეგ იმატებდა მონაცემები. ზუსტი შედეგი ხვალ შუადღისთვის გახდება ცნობილი,“ - ამბობს მერის მოადგილე, კოტე ბერიძიშვილი.