შინაგან საქმეთა მინისტრის ბრძანებით, ავტომობილების წინა გვერდითა საქარე მინების დამუქება უფრო მკვეთრადაა შესაძლებელი.

შსს მინისტრმა, ვახტანგ გომელაურმა ბრძანება, რომლითაც მანქანის მინების დამუქების რეგულაციები იცვლება, 2 ივლისს გამოსცა.

ახალი ბრძანების მიხედვით, შინაგან საქმეთა სამინისტროს სპეციალური ნებართვის გარეშე ავტომობილების წინა გვერდითა საქარე მინების დამუქება 40%-ის ნაცვლად, 60%-ით ხდება შესაძლებელი.

უცვლელი რჩება წინა და უკანა საქარე მინების დამუქებაზე დაწესებული შეზღუდვები:

• წინა საქარე მინის დამუქება შესაძლებელია 30%-მდე;
• უკანა გვერდითა მინების - 75%-მდე.

ცნობისთვის, ავტომობილის მინებში შუქგამტარობას საპატრულო პოლიცია სპეციალური მოწყობილობით ამოწმებს. დადგენილი წესის დარღვევისთვის ჯარიმა „ადმინისტრაციულ სამართალდარღვევათა კოდექსით“ არის გათვალისწინებული.