შეფასებისა და გამოცდების ეროვნული ცენტრის ცნობით, 2022 წლის
გამოცდებში მონაწილეობის მსურველები ერთიან ეროვნულ გამოცდებზე,
სტუდენტთა საგრანტო კონკურსსა და საერთო სამაგისტრო გამოცდაზე 4
აპრილის 18:00 საათის შემდეგ ვეღარ დარეგისტრირდებიან.
მათივე ინფორმაციით, საგნისა და პროფესიული უნარების გამოცდების
ჩასაბარებლად რეგისტრაციის გავლა შესაძლებელია 14 აპრილის 18:00
საათამდე.
„მნიშვნელოვანია, 2022 წლის ერთიანი ეროვნული გამოცდების მონაწილეებმა
გაითვალისწინონ, რომ რეგისტრაციის პროცესი წელსაც რამდენიმე ეტაპად
ჩატარდება: საგნის შეცვლა ან დამატება, ასევე გამოცდის ენის შეცვლა
აბიტურიენტებს 14 აპრილის 18:00 საათამდე შეეძლებათ, საგანმანათლებლო
პროგრამების ჩამონათვალში ცვლილებების შეტანის შესაძლებლობა კი
აპელაციის შედეგების გამოქვეყნებიდან მომდევნო დღის ჩათვლით ექნებათ.
კონკრეტული რიცხვი დაზუსტებისთანავე გამოქვეყნდება.“,- ვკითხულობთ
განცხადებაში.
ცნობისთვის, გამოცდებში მონაწილეობის მსურველთა მაქსიმალური
ინფორმირების მიზნით შეფასებისა და გამოცდების ეროვნულმა ცენტრმა
სხვადასხვა სახის საინფორმაციო მასალა მოამზადა, რომელიც
ხელმისაწვდომია ვებგვერდზე:
www.naec.ge
შეფასებისა და გამოცდების ეროვნული ცენტრი გამოსაცდელებს ურჩევს,
მხოლოდ ცენტრის ოფიციალურ ვებგვერდსა და
ფეისბუქ
გვერდზე განთავსებულ ინფორმაციას ენდონ,
მასალის გამოყენების პირობები