საქართველოს პედაგოგთა და მეცნიერთა თავისუფალი პროფკავშირის საგარეჯოს რაიონულ ორგანიზაციას კვლავ რომან ზუკაკიშვილი უხელმძღვანელებს. მას თავმჯდომარის პოზიციაზე დელეგატებმა ნდობა მეექვსედ გამოუცხადეს.
საგარეჯოს დემოკრატიული ჩართულობის ცენტრში გამართულ X საანგარიშო-საარჩევნო კონფერენციაზე, რომან ზუკაკიშვილმა დამსწრე საზოგადეობას 2018-2022 წლებში გაწეული საქმიანობის ანგარიში წარუდგინა.

კონფერენციაზე  აგრეთვე აირჩიეს თავჯდომარის მოადგილე, საბჭოს წევრთა შემადგენლობა, სარევიზიო კომისია და საქართველოს პედაგოგთა და მეცნიერთა თავისუფალი პროფკავშირის XI საანგარიშო-საარჩევნო ყრილობის 5 ძირითადი და 2 სათადარიგო დელეგატი.

-"მეექვსედ ნდობის გამოცხადება, რა თქმა უნდა სასიამოვნოცაა და ამავდროულად საპასუხისმგებლოც. ყველანაირად ვეცდები,რომ მათი იმედები გავამართლო, ამისთვის ძალ-ღონეს არ დავიშურებ,"- აღნიშნა რომან ზუკაკიშვილმა ჩვენთან საუბარში.