გურჯაანის მუნიციპალიტეტის საბავშვო ბაღებში 2022-2023 სააღმზრდელო
წლისთვის რეგისტრაცია 1 მაისს დაიწყო და 1 ივლისამდე გაგრძელდება.
როგორც გურჯაანის სკოლამდელი სააღმზრდელო დაწესებულებების
გაერთიანების დირექტორმა, შორენა ფროდიაშვილმა speqtri.ge-სთან
აღნიშნა, განაცხადს ყველა სააღმზრდელო დაწესებულება იღებს.
„მომავალი სააღმზრდელო წლისთვის რეგისტრაცია 1 მაისიდან უკვე დაიწყო
და ყველა სააღმზრდელო დაწესებულება იღებს განაცხადს. პროცესი პირველი
ივლისიდან შეწყდება და 1 სექტემბრიდან კვლავ განახლდება. განაცხადის
შეტანა შეუძლია მშობელს ან მეურვეს,“ -გვითხრა შორენა
ფროდიაშვილმა.
რეგისტრაციისთვის მშობელმა ან მეურვემ სასურველ საბავშვო ბაღში უნდა
წარადგინოს შემდეგი სახის დოკუმენტაცია:
- ბავშვის 2 ფოტოსურათი
- დაბადების მოწმობის ასლი
- მშობლების პირადობის მოწმობის ასლები
- ბავშვის ჯანმრთელობის ცნობა ფორმა 100
ცნობისთვის, მიმდინარე სააღმზრდელო წელი საბავშვო ბაღებში 1 ივლისამდე
გაგრძელდება. დასაქმებული მშობლების შვილებისთვის კი, 1 ივლისიდან 1
აგვისტომდე N4 საბავშვო ბაღში საზაფხულო ჯგუფები
იფუნქციონირებს.
მასალის გამოყენების პირობები