კახეთში ეპიდსიტუაცია კვლავ სტაბილურია. როგორც დაავადებათა
კონტროლისა და საზოგადოებრივი ჯანმრთელობის ეროვნული ცენტრის კახეთის
განყოფილების ხელმძღვანელი, ნელი ხიზანიშვილი ამბობს, დღეის
მდგომარეობით Covid-19 -ის არცერთი ლაბორატორიულად დადასტურებული
შემთხვევა არ რეგისტრირდება.
თუმცა, კვლავ გრძელდება ნიმუშების აღება როგორც ცხელების
კლინიკებიდან, ასევე კარანტინის სივრცეებიდან.
„ამ დროისთვის თვითიზოლაციაში იმყოფება 15 მოქალაქე. 4 მოიხსნა
თვითიზოლაციიდან. რაც შეეხება კარანტინის სივრცეებს, 10 ლოკაციაზე
იმყოფება 405 მოქალაქე. ასევე მიმდინარეობს
გაფართოებული ანუ მიზნობრივი ტესტირება.“
სულ კახეთის რეგიონში აღებული და ლუგარის ცენტრში გაგზავნილია 2897
ნიმუში.
მასალის გამოყენების პირობები