გურჯაანის საზოგადოებრივი ჯანდაცვის სამსახურმა კაჭრეთში მასობრივი ტესტირება ჩაატარა. მიზეზი კოლეჯ „აისში“ დაფიქსირებული კორონავირუსის შემთხვევები იყო.
ცენტრის ეპიდემიოლოგის მარინა კაპანაძის განმარტებით, სოფელში ჩატარებული ტესტირების შედეგად მხოლოდ ორი დადებითი შემთხვევა გამოვლინდა.
„ სხვადასხვა სოფლებშიც ჩატარდა მასობრივი ტესტირება, რომელიც გამოწვეული იყო დაავადების მატებით . კაჭრეთში 22 აქტიური შემთხვევა იყო, მას დაემატა კიდევ ორი . პიროვნებები რომელიც გამოვლენილია როგორც დადებითი, იმყოფებიან თვითიზოლაციაში. “

შეგახსენებთ, რომ კოლეჯ „აისში“ კორონავირუსი თანამშრომლებს დაუფიქსირდა, რის გამოც დაწესებულება 29 მარტის ჩათვლით, ონლაინსწავლებაზე გადავიდა.