საქართველოს ძიუდოს ეროვნული ნაკრები ყაზანიდან თბილისში დაბრუნდა.
ევროპის ჩემპიონატზე საქართველოს ეროვნული ნაკრების წევრებმა 2 ოქროს,
3 ვერცხლისა და 2 ბრინჯაოს მედალი მოიპოვეს.
ქართველმა ძიუდოისტებმა გუნდური ჩემპიონატის ფინალში რუსეთის ნაკრები
3:2 დაამარცხეს და კონტინენტის ჩემპიონები მერვედ გახდნენ. ფინალურ
დაპირისპირებაში გამარჯვება ნუგზარ ტატალაშვილმა, ავთანდილ
ჭრიკიშვილმა და ვარლამ ლიპარტელიანმა მოიპოვეს.
ფინალურ შეხვედრამდე, საქართველოს ნაკრების წევრებმა ევროპის გუნდური
ჩემპიონატის 1/8 ფინალში უნგრეთი 5:0, 1/4 ფინალში საბერძნეთი 4:1,
ხოლო 1/2 ფინალში პოლონეთის ნაკრები 4:1 დაამარცხეს.
ინდივიდუალურ ჩათვლაში ევროპის ჩემპიონები ვაჟა მარგველაშვილი (-66)
და ვარლამ ლიპარტელიანი (-90) გახდნენ. ვერცხლის მედლები ლაშა
შავდათუაშვილმა (-73 კგ), ავთანდილ ჭრიკიშვილმა (-81 კგ) და ესტერ
სტამმა (-70 კგ) მოიპოვეს. ბრინჯაო ნუგზარ ტატალაშვილმა (-73 კგ) და
ლევან მატიაშვილმა(+100 კგ) აიღეს.
ევროპის ჩემპიონებს თბილისის საერთაშორისო აეროპორტში
გულშემატკივრებთან ერთად სპორტისა და ახალგაზრდობის საქმეთა მინისტრი
ტარიელ ხეჩიკაშვილი დახვდა და წარმატება მიულოცა.
მასალის გამოყენების პირობები