ლაგოდეხის მუნიციპალიტეტის ახალგაზრდობის საქმეთა და სპორტის განვითარების ცენტრის ორგანიზებით, ქალაქ ლაგოდეხის N1 და N3 საჯარო სკოლებს შორის, ჭადრაკში ტურნირი გაიმართა.

ტურნირში მონაწილეობას 22 მოსწავლე იღებდა. გამოვლინდა სამი გამარჯვებული.
პირველი ადგილი - ნინო შატაკიშვილი; მეორე ადგილი - ლუკა დევნოზაშვილი; მესამე ადგილი - სურენ პოზოიანი.
გამარჯვებულები ახალგაზრდობის საქმეთა და სპორტის განვითარების ცენტრის დირექტორმა ივანე ხაჩიძემ, სიგელით მედლებით, ფასიანი საჩუქრებითა და თასით დააჯილდოვა.