საქართველოს მოკრივეთა 22 - წლამდე ნაკრებმა, რუმინეთში გამართულ
ევროპის ჩემპიონატზე წარმატებით იასპარეზა და ერთი ოქროს, ორი
ვერცხლის და ერთი ბრინჯაოს მედალი მოიპოვა.
კულტურისა და სპორტის სამინისტროს ინფორმაციით, ევროპირველობაზე სულ 8
ქართველი მოკრივე გამოვიდა და აქედან 4-მა მედალი მოიპოვა. უწყების
ინფორმაციით, მსგავსი შედეგი ქართული კრივის ისტორიაში არ ყოფილა.
ევროპის ჩემპიონატის გამარჯვებული (64 კგ წონით კატეგორიაში ) ლაშა
გურული გახდა, მან თურქ ტურგულხან ერდერიმს სძლია და ოქროს მედალი
დაისაკუთრა. ვერცხლის მედლები მოიპოვეს - სახილ ალახვერდოვმა (49 კგ,
წონითი კატეგორია) და გიორგი ხარაბაძემ (75 კგ. წონითი კატეგორია).
რაც შეეხება ბრინჯაოს მედალს (60კგ. წონით კატეგორიაში) ოთარ
ნავერიანმა აიღო.
მასალის გამოყენების პირობები