თელავში გამართულ ფეხბურთის კახეთის რეგიონულ საბავშვო ტურნირზე, გურჯაანის გუნდი „ნორჩი ალაზანი“ პირველი ადგილის მფლობელი გახდა. ტურნირი "m2 უძრავი ქონებისა" და საფეხბურთო კლუბ "თელავის" ორგანიზებით გაიმართა. მონაწილეობა 11-12 წლის ფეხბურთელებით დაკომპლექტებულმა რვა გუნდმა მიიღო - მათ შორის თელავის, ახმეტის, ყვარლის, გურჯაანის, ლაგოდეხის, სიღნაღის, საგარეჯოს და დედოფლისწყაროს გუნდებმა.

„ნორჩი ალაზნის“ მწვრთნელის, გიორგი ბარნაბიშვილის თქმით, ეს გუნდის პირველი გამარჯვება იყო.
„ ყველა რაიონიდან თითო გუნდი იყო წარმოდგენილი. ჯერ ვითამაშეთ საგარეჯოს გუნდთან და მოვიგეთ 5:0 , ნახევარფინალში დავამარცხეთ ახმეტა 2:0 და ფინალში შევხვდით თელავს, რომელთანაც ანგარიში 5:3 დასრულდა. მესამე წელია გუნდმა ფუნქციონირება დაიწყო და ეს ჩვენთვის პირველი გამარჯვება იყო. ამჯერად მოწვევა გვაქვს ქობულეთიდან , სადაც ტარდება შავი ზღვის საერთაშორისო ტურნირი.“