გურჯაანის სპორტულ გამაჯანსაღებელ კომპლექსში, სარემონტო-სარეაბილიტაციო სამუშაოები დაიწყო, რაც სათამაშო დარბაზის, საცურაო აუზის, საშხაპეებისა და გასახდელების კაპიტალურ რემონტს ითვალისწინებს.

გაერთიანების დირექტორის, გელა დალაქიშვილის განმარტებით, სამუშაოებს ტენდერში გამარჯვებული კომპანია „კაცხი“ ასრულებს და ჯამში 22 ათასი ლარი იხარჯება.
„ხდება სათამაშო დარბაზის სრულიად აღდგენა, იცვლება ჭერის ნაწილი, აუზში კეთდება გასახდელები, საშხაპეები, ტუალეტები და სხვა. ამჟამად მიმდინარეობს სარეაბილიტაციო სამუშაოები. ყველაფერი კეთდება ჩვენი ბიუჯეტით.“

მისივე თქმით, სპორტკომპლექსი 1-ელ აპრილს გაიხსნება. ფუნქციონირებას დაიწყებს საცურაო აუზი და ყველა სპორტული წრე, რომელიც შენობაშია განთავსებული.