სიღნაღის მუნიციპალიტეტის მერიის ინფორმაციით, სიღნაღში მცხოვრები სპორტსმენი, ლიკა კეჭაღმაძე საერთაშორისო ტურნირზე ვერცხლის პრიზიორი გახდა.
როგორც ცნობილია, 29 და 30 აპრილს სომხეთში, ქალაქ ერევანში, კიკბოქსინგში საერთაშორისო ტურნირი ჩატარდა, სადაც მონაწილეობას 5 ქვეყანასთან ერთად, საქართველოს ნაკრების 11 სპორტსმენი იღებდა მონაწილეობას. მათ შორის იყო ა(ა)იპ სიღნაღის მუნიციპალიტეტის სპორტის განვითარების ცენტრის ქალაქ წნორის კიკბოქსინგის სექციის კიკბოქსიორი გოგონა, ლიკა კეჭაღმაძე ( მწვრთნელი დავით სარდალიშვილი).

„ლიკამ ორი ბრძოლა ჩაატარა, ერთი აშკარა უპირატესობით მოიგო, ხოლო მეორეში დამარცხდა და ვერცხლის პრიზიორი გახდა. საქართველოს ნაკრებმა კი შვიდი ოქრო მოიპოვა და პირველი გუნდური ადგილი დაიკავა.“-აცხადებენ მერიაში.