საქართველოს რამდენიმე რეგიონში უამინდობის გამო სასწავლო პროცესი
სამი დღით შეჩერდა.
"გამომდინარე იქიდან, რომ მეტეოროლოგიური პროგნოზით, უამინდობა
მომდევნო დღეებშიც გაგრძელდება, მინისტრის ბრძანებით, სასწავლო
პროცესი შეწყდება აჭარის, გურიის, მცხეთა-მთიანეთის და კახეთის
რეგიონების იმ სკოლებში, სადაც სკოლასთან გეოგრაფიული ხელმისაწვდომობა
მეტეოროლოგიური პირობების გამო გაძნელებულია. გაკვეთილები კი,
მომდევნო შაბათი დღეების ხარჯზე ანაზღაურდება."- განმარტავენ
განათლებისა და მეცნიერების სამინისტროში.
როგორც speqtri.ge-ს სამინისტროს პრესსამსახურში განუცხადეს, სასწავლო
პროცესის შეჩერება კახეთში ძირითადად პანკისის ხეობის სკოლებსა და
ყვარლის მუნიციპალიტეტის ერთ-ერთ სოფლის საგანმანათლებლო
დაწესებულებას შეეხო.
საქართველოში სულ 2085 სკოლაა და სწავლა ამ ეტაპზე დაახლოებით 150-მდე
სკოლაშია შეწყვეტილი.
მასალის გამოყენების პირობები