არქეოლოგებმა თელავის მუნიციპალიტეტის სოფელ თეთრწყლებიდან სამხრეთით,
ტყე-ტბა გულგულას სახელწოდების უძველეს ნაქალაქარს მიაკვლიეს.
ნაქალაქარი დაახლოებით 5 კილომეტრის რადიუსზეა განთავსებული.
მეცნიერების ვარაუდით, რომ აღნიშნული ნაქალაქარი შესაძლოა
კახეთ-ჰერეთის სამეფოს საზღვარზე მდებარეობდეს. არქეოლოგიური
დაზვერვითი სამუშაოები თელავის მერიამ 13 000 ლარით დააფინანსა.
-"დაახლოებით რვა საუკუნეა, რაც აქ ფეხი არავის დაუდგამს და არ
შეუსწავლია. ნაქალაქარი მე-13, მე-14 საუკუნიდან უკვე წყვეტს
არსებობას, რაც უნდა უკავშირდებოდეს თემურ ლენგის შემოსევებს.
ვფიქრობთ, შესაძლოა სწორედ ტყე-ტბა გულგულა არის საზღვარი
კახეთ-ჰერეთს შორის. ნაქალაქარი დიდი კომპლექსია, მოიცავს სადგომებს,
ეკლესიებს, გალავნებს. ტყე-ტბა გუგლგულას თავის ნაწერებში ჯერ კიდევ
მე-11 საუკუნეში მოიხსენიებდა ქართველი ისტორიკოსი ლეონტი მროველი.
ვინაიდან კომპლექსი საკმაოდ დიდია, უახლოეს მომავალში კვლავ ვგეგმავთ
დაზვერვითი სამუშაოების განხორციელებას."- აღნიშნა თელავის მერიის
ძეგლთა დაცვის განყოფილების უფროსმა ვახტანგ გაგნიძემ.
მასალის გამოყენების პირობები