ამ წუთებში თელავის მუნიციპალტეტის საკრებულოში დეცენტრალიზაციის
სტრატეგიის პროექტის განხილვა მიმდინარეობს. შეხვედრას
ინფრასტრუქტურის სამინისტროსა და ადგილობრივი თვითმმართველობის
წარმომადგენლებთან ერთად, არასამთავროებო ორგანიზაციები და ოპოზიციაც
ესწრებიან.
დეცენტრალიზაციის სტრატეგიის პროექტის მორიგი
განხილვა 22 იანვარს, 11:00 საათზე გორში
გაიმართება. შეხვედრების ციკლი ახალციხეში 23 იანვარს
დასრულდება.
დეცენტრალიზაციის სტრატეგიის პროექტი უკვე განიხილეს ბათუმში,
ოზურგეთში, ზუგდიდში, ქუთაისში, მცხეთასა და რუსთავში.
დეცენტრალიზაციის საშუალოვადიანი სტრატეგიის (2019-2025) პროექტი
საქართველოს რეგიონული განვითარებისა და ინფრასტრუქტურის სამინისტრომ
მოამზადა და მასში, ძირითადად, სამი მიმართულებაა გაწერილი –
ადგილობრივი თვითმმართველობის უფლებამოსილებების გაზრდა, ფინანსური
დეცენტრალიზაცია და ადგილობრივი თვითმმართველობის განხორციელებაში
მოქალაქეთა მონაწილეობის უზრუნველყოფის მექანიზმების სრულყოფა.
მასალის გამოყენების პირობები