გურჯაანის მუნიციპალიტეტის საკრებულომ დღეს მხარი დაუჭირა
საბიბლიოთეკო და სამუზეუმო გაერთიანების ბალანსზე არსებული
ამორტიზებული ნივთების ჩამოწერას.
ნუსხაში სულ 52 ნივთია, მათ შორის ზამთარ-ზაფხული.
როგორც საკითხის წარმდგენმა განმარტა, საუბარია
პეიზაჟზე. თუმცა დოკუმენტში
მინიშნება იმაზე, რომ ნახატი იგულისხმება, არ არის.
აღნიშნულ ფაქტს საკრებულოს "ნაციონალური მოძრაობის" წევრების მხრიდან
სატირულ-იუმორისტული შეფასებები მოჰყვა.
-"მუნიციპალიტეტმა შექმნა კომისია, ჩამოწერეს ისეთი ნივთები,
რომელიც გამოუსადეგარი და გადასაყრელია, მათ შორის 39-ე არის
ზამთარ-ზაფხული. ჩამოწერეს იმიტომ რომ გამოუსადეგარია.
ზამთარ-ზაფხულის ჩამოწერას საკრებულოს უმრავლესობამ დიდი ზარ-ზეიმით
მხარი დაუჭირა. ამაზე თავადაც კი გაეცინათ, მაგრამ მაინც ხელი ასწიეს.
მგონი "ცისფერი მთები" მოგონებაა გურჯაანის მუნიციპალიტეტის
მუშაობასთან,"-აღნიშნა "ერთიანი ნაციონალური მოძრაობის" დეპუტატმა
ნიკა ნიჟარაძემ.
იხილეთ ამავე თმაზე:
გურჯაანის ბიუჯეტში ცვლილებები
შევიდა
თვითმმართველობის
ინდექსის მიხედვით საუკეთესო შედეგი ლაგოდეხს აქვს
გურჯაანში დამატებით კიდევ შვიდი
პროექტი განხორციელოდება
გურჯაანის
დელეგაცია უჯიატე-ტრევანოში საქმიანი ვიზიტით იმყოფებოდა
მასალის გამოყენების პირობები