ახალი ამბები
კომპანია ლაფანყურში ჰესის მშენებლობის მოწინააღმდეგეებს მოუწოდებს კანონს დაემორჩილონ
მესამე დღეა თელავის მუნიციპალიტეტის სოფელ ლაფანყურში ჰესის მშენებლობის მოწინააღმდეგეების ნაწილი მდინარე ლოპოტასკენმიმავალ გზაზე 24 საათიან რეჟიმში მორიგეობს. მათი განცხადებით, აქვთ ინფორმაცია, რომ  ტერიტორიაზე ტექნიკა უნდა შეიყვანონ.
,,არ ვუშინდებით ამინდს, კარვები გვაქვს და ვმორიგეობთ მუდმივად. ჩვენი პროტესტის მიზეზი არის ის, რომ ჰესის აშენების შედეგად განადგურდება წითელ წიგნში შეტანილი უნიკალირი სახეობის ხეები, ნადგურდება ფლორა და ფაუნა, პრობლემები შეიქმნება სარწყავი წყლის მიმართულებით. ჰესის გამო საფრთხე ემუქრება სოფელს ჩვენ ამას არ დავუშვებთ.,"- აცხადებენ ადგილობრივები.

მდინარე ლოპოტაზე ჰესის აშენებას შპს ,"ართანა ლოპოტა" გეგმავს. კომპანიის წარმომადგენლობამ დღეს სპეციალური განცხადება გაავრცელა, სადაც ნათქვამია, რომ მშენებლობისთვის საჭირო ყველა ნებართვა კანონის დაცვით არის გაცემული. განცხადებას უცვლელად გთავაზობთ:

,,ბოლო დღეებში სოფელ ლაფანყურის მოსახლეობის განცხადებებმა, საზოგადოების ნაწილის ყურადღება მიიპყრო. სოფლის მოსახლეობისგან მუსირებს აზრი, რომ კომპანია „ართანა -ლოპოტას“ არ გააჩნია შესაბამისი ნებართვები და უკანონოდ აშენებს ჰესს. აღნიშნულიდან გამომდინარე ვასაჯაროვებთ შესაბამის ნებართვებს, რომელიც კანონის სრული დაცვით კომპანიამ სხვადასხვა უწყებებიდან მოიპოვა:
სამშენებლო ნებართვა, ტექნიკური და სამშენებლო ზედამხედველობის სააგენტოს ბრძანება N122-04 და ნებართვა 601. ეს ნებართვა გაიცემა კანონმდებლობით განსაზღვრული პროცედურების თანახმად, სხვადასხვა ინსტანციების შეთანხმებების საფუძველზე, მათ შორის აღსანიშნავია თელავის მუნიციპალიტეტის თანხმობა (N691 და გარემოს დაცვის და სოფლის მეურნეობის სამინისტროს ბრძანება N2-535).
ყველა სხვა სამსახურიდან (სატყეო დეპარტამენტი, ნაპირდაცვა, ინფრასტრუქტურა, ძეგლების დაცვა და ა.შ.) გვაქვს შესაბამისი და აუცილებელი თანხმობები.
- სამშენებლო ობიექტის კორიდორში განლაგებული ტერიტორია აღნაგობით (ხანგრძლივი იჯარა) გადაცემულია კომპანიაზე, საქართველოს მთავრობის განკარგულება N527-ის საფუძველზე.
ყველა ამ საბუთის და მიწების საკუთრების გადამოწმება მარტივად შეიძლება შესაბამისი დაწესებულების საიტებზე და საჯარო რეესტრში, ეს ყველაფერი ხელმისაწვდომია ამ ველზე : in public domain.
კანონმდებლობით გათვალისწინებულია ნებართვების გასაჩივრების პროცედურა, რომელიც მაქსიმუმ ერთ წელს შეადგენს. ეს ვადა უკვე ამოწურულია, რაც იმას ნიშნავს, რომ მოპოვებულ კანონიერ ნებართვებზე სამართლებრივი დავის საფუძველი არ არსებობდა.
ჩვენი სიტყვიერი თუ წერილობითი თხოვნის მიუხედავად (ბოლოს 2019 წლის 6 ივნისს, სატელეფონო მიმოწერით) მერის წარმომადგენელმა სოფელ ლაფანყურში მორისს პარკინაშვილმა , არ შეგვატყობინა ვინ და რატომ იყო ამ პროექტის წინააღმდეგი. უფრო მეტიც, არ შესრულდა მის მიერ დაპირება, რომ აღნიშნულის შესახებ წერილობით შეგვატყობინებდა.
სამშენებლო სამუშაოების დაწყებამდე კომპანიამ, თელავის მუნიციპალიტეტის შუამდგომლობით, კიდევ ერთი შეხვედრის მოწყობა შესთავაზა სოფლის მოსახლეობას ამა წლის აგვისტოში. შეხვედრის კონსტრუქციულიად ჩატარების მიზნით კომპანიას მიზანშეწონილად მიაჩნდა შეხვედრის ჩატარება ქალაქ თელავში და ორგანიზება გაუკეთე შესაბამისი დარგის ექსპერტების მონაწილეობას შეხვედრაში. სამწუხაროდ ამ შემოთავაზებაზე კომპანიამ სოფლის მოსახლებოსიგან პასუხი არ მიიღო.
საჯაროდ ვაცხადებთ, რომ პროექტის განხორციელების დაწყების ან შემდგომ პერიოდში ადამიანის ან ადამიანთა ჯგუფის მიერ წინააღმდეგობა კომპანიის მიერ აღქმული იქნება , როგორც კანონდარღვევა და მსგავსი ქმედება ჩაითვლება როგორც კერძო ინვესტორზე თავდასხმა.
ზემოთ აღნიშნულიდან გამომდინარე , კომპანია მიმართავს მოქალაქეებს დაემორჩილონ კანონს, წინააღმდეგ შემთხვევაში ჩვენ მივიღებთ შესაბამის ზომებს ყველა სამართლებრივი წესის დაცვით და მოვითხოვთ ფინანსურ კომპენსაციას.
ამავე დროს კომპანია კიდევ ერთხელ აცხადებს რომ მზად არის კონსტრუქციულ ატმოსფეროში შეხვდეს ნებისმიერ დაინტერესებულ პირს და შეასრულოს ის ვალდებულებები რაც კომპანიამ დაიკისრა სოფლის მოსახლებოის მიმართ და შეათანხმა ჯერ კიდევ 2018 წელს სოფლის ხელმძღვანელობასთან,,- ნათქვამია განცხადებაში.

| Print |  E-mail
FaceBook Twitter Google
ამავე კატეგორიაში
თელავში, ჩოლოყაშვილის ქუჩაზე 37 წლის კაცი დაჭრეს. გავრცელებული
ინფორმაციით, დაჭრის ფაქტს წინ ურთერთშელაპარაკება უძღვოდა.
თელავში, ჩოლოყაშვილის ქუჩაზე 37 წლის კაცი დაჭრეს. გავრცელებული ინფორმაციით, დაჭრის ფაქტს წინ ურთერთშელაპარაკება უძღვოდა.
23:27 / 13.07.2020
ნაგვის დაყრისთვის დაკისრებული ჯარიმები იზრდება. პარლამენტმა
ნაგვის დაყრისთვის დაკისრებული ჯარიმები იზრდება. პარლამენტმა "ნარჩენების მართვის კოდექსში“ შესატან ცვლილებების პროექტს მესამე მოსმენით მხარი დაუჭირა.
17:06 / 13.07.2020
ახმეტის მუნიციპალიტეტის სოფელ მატანში მდებარე კულტურის სახლს
რეაბილიტაცია ჩაუტარდება. მერიამ ტენდერი უკვე გამოაცხადა.
ახმეტის მუნიციპალიტეტის სოფელ მატანში მდებარე კულტურის სახლს რეაბილიტაცია ჩაუტარდება. მერიამ ტენდერი უკვე გამოაცხადა.
16:51 / 13.07.2020
პრევენციის მიზნით, სოფელ ჩუმლაყში მოსახლეობის გაფართოებული
ტესტირება მიმდინარეობს. გურჯაანის მუნიციპალიტეტის მერის მოადგილის,
თეიმურაზ ზავრაშვილის განმარტებით, ტესტირება კიდევ 400-მდე პირს
ჩაუტარდა.
პრევენციის მიზნით, სოფელ ჩუმლაყში მოსახლეობის გაფართოებული ტესტირება მიმდინარეობს. გურჯაანის მუნიციპალიტეტის მერის მოადგილის, თეიმურაზ ზავრაშვილის განმარტებით, ტესტირება კიდევ 400-მდე პირს ჩაუტარდა.
16:34 / 10.07.2020
სხვა ამბები
ლაგოდეხელი 17 წლის ერეკლე თურქაძე, ინტერნეტ-სერიალ ,,ნინველში’’ მთავარ როლზე დაამტკიცეს. ამის შესახებ დამწყები მსახიობი თავად გვესაუბრება.
18:03 / 26-06-2020
კორონავირუსის გავრცელების პრევენციის მიზნით, განათლების სისტემა დისტანციური სწავლების ფორმატზე გადავიდა.
13:32 / 25-06-2020
აბიტურიენტებმა ეროვნული გამოცდების წერა შესაძლოა, პირბადის გარეშე შეძლონ
18:14 / 24-06-2020
გიორგი ლეონიძის შთაგონების წყარო სოფელი პატარძეული იყო და მისი „ნატვრის ხის“ პერსონაჟებიც პატარძეულელები არიანო - ამბობს პოეტი რომან ზუკაკიშვილი.
14:27 / 24-06-2020
ავთანდილ თუნიაშვილი დღემდე ინახავს გასული საუკუნის 50-იანი წლების სიგელებსა და აფიშებს. მისი თქმით, ალბათ, ბევრმა არ იცის, რომ გურჯაანში ქართული ქორეოგრაფიის ფუძემდებელი შოთა თუნიაშვილია, რომლის დამსახურებაცაა რაიონში პირველი ქორეოგრაფიული ანსამბლის დაარსება.
13:20 / 24-06-2020
ხატვა ექვსი წლიდან დაიწყო და მისთვის სერიოზულ გატაცებად იქცა. უფრო ხშირად ღამით ხატავს, განსაკუთრებით კი პეიზაჟები იტაცებს. აკრილის საღებავით მუშაობს, ხშირად კი შერეულ მასალასაც იყენებს.
13:49 / 23-06-2020
ვალუტა
EUR
EUR
1
3.4673
USD
USD
1
3.0614
GBP
GBP
1
3.8568
TRY
TRY
1
0.4459
RUB
RUB
100
4.3180
ამინდი
გურჯაანი 21 / 32 °C
img
საგარეჯო 18 / 29 °C
img
დ.წყარო 18 / 27 °C
img
სიღნაღი 21 / 33 °C
img
ლაგოდეხი 19 / 29 °C
img
ყვარელი 21 / 32 °C
img
თელავი 19 / 30 °C
img
ახმეტა 18 / 31 °C
img
კალენდარი
«« ივლისი 2020 »»
2930 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 12

speqtri.ge შენი ვებგვერდი


მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.