ველისციხე-მუკუზნისა და ყვარლის მიმართულებით ასფალტი აყარეს და სამუშაოები შეაჩერეს
გურჯაანი-თელავის დამაკავშირებელ გზაზე საავტომობილო გზების
დეპარტამენტმა გზის რეაბილიტაცია ორი თვეა დაიწყო.
ველისციხე-მუკუზანის მონაკვეთზე ასფალტის საფარი მოხსნეს, თუმცა
სამუშაოები აღარ გაუგრძელებიათ. მძღოლების თქმით, მიტოვებული
სამუშაოები მოძრაობას აფერხებს და საავარიო სიტუაციას ქმნის.
სამუშაოები გაჩერებულია ველისციხე-ყვარელის გზის გარკვეულ
მონაკვეთზეც.
-„რამდენი ხანია ასფალტის საფარი მოხსნეს და თავი დაანებეს. ძლივს
ვერიდები შემხვედრ მანქანებს. საავარიო სიტუაცია იქმნება. მალე უნდა
მიხედონ და დაიწყონ სამუშაოები,“-აცხადებს რამაზ ზაკალაშვილი.
Speqtri.ge საავტომობილო გზების დეპარტამენტს დაუკავშირდა. მათი
ინფორმაციით, მოლაპარაკებები მიმდინარეობს ენერგო-პრო ჯორჯიასთან და
სამუშაოები ამიტომ შეჩერდა.
-„ამ ეტაპზე კონტრაქტორი კომპანიის მხრიდან მიმდინარეობს
ელექტროგადამცემი ხაზების ადგილმონაცვლეობის შეთანხმება, რაც იწვევს
სამუშაოების შეფერხებას. საკომუნიკაციო ხაზების გადატანის შემდეგ
სამუშაოები აქტიურ რეჟიმში გაგრძელდება. საჭიროა შეთანხმება ენერგო-
პრო ჯორჯიასთან,“-განაცხადეს საავტომობილო გზების დეპარტამენტში.
მასალის გამოყენების პირობები