სასაზღვრო პოლიციის ფერტმფრენმა თუშეთის მიმართულებით  ყოველკვირეული ავაიარეისების შესრულება უკვე დაიწყო. ავიარეისები მანამდე შესრულდება, სანამ საავტომობილო გზა არ გაიხსნება.
უფასო მგზავრობით წელს პირველად 15-მდე ადგილობრივმა უკვე ისარგებლა. ფრენა ყოველ ხუთშაბათს , დილის 10:00 საათზეა.

მთავრობის გადაწყვეტილებით, მაღალმთიან სოფლებში მუდმივად მცხოვრებ თუშებს ვერტმფრენი 2017 წლიდან ემსახურება.

თუშეთში გაფრენის მსურველები სიაში წინასწარ ეწერებიან. ვერტმფრენი მგზავრებს სოფელ ქვემო ალვანში, პროფესიულ კოლეჯ ,,აისის" მიმდებარე ტერიტორიაზე აიყვანს.

ფშაველი- აბანო - ომალოს საავტომობილო გზა დიდთოვლობის გამო ოქტომბრის ნახევრიდან მაისის ნახევრამდე იკეტება. ამ პერიოდში მთაში მოხვედრა მხოლოდ ვერტმფრენით არის შესაძლებელი.