თელაველმა სამბისტმა ვახტანგ ჩიდრაშვილმა კორეაში მიმდინარე მსოფლიო ჩემპიონატზე, ფინალში, 57კგ. წონით კატეგორიაში რუსი სპორტსმენი საიან ხერტეკი დაამარცხა და მსოფლიო ჩემპიონის ტიტული მეექვსედ მოიპოვა.
28 წლის სპორტსმენი 4-ჯერ ევროპის პირველობის გამარჯვებულია.

კორეაში მიმდინარე მსოფლიო ჩემპიონატზე ქართველმა სპორტსმენებმა კიდევ რამდენიმე მედალი მოიპოვეს. ლევან ნახუცრიშვილმა (74კგ.) და გივი ნადარეიშვილმა (52კგ.) ბრინჯაოს მედლები მოიპოვეს, ვერცხლის მედლები მოიპოვეს - პაატა ღვინიაშვილმა (90კგ.) და მინდია ლილუაშვილმა (68კგ.). ასევე ვერცხლის მედალი მოიპოვა ნინო ოძელაშვილმა (72კგ.)