სპედანიშნულების რაზმებმა პარლამენტის შენობასთან აქციის დაშლა დაიწყეს. ოპერაციის დაწყებამდე პოლიციამ აქციის მონაწილეებს 30 წუთი მისცა ნებით დასაშლელად.
ამ წუთებში სამართალდამცველებმა უკვე წყლის ჭავლიც გამოიყენეს.

ოპოზიციურმა პარტიებმა პარლამენტის ყველა შესასვლელი 17 ნოემბრის აქციის დროს ჩაკეტეს. ისინი ამბობენ, რომ მათ მოთხოვნების შესრულებამდე დეპუტატებს საკანონმდებლო ორგანოში არ შეუშვებენ. პიკეტირების გამო დღეს ვერ ჩატარდა ერთ-ერთი კომიტეტისა და ბიუროს სხდომები.