ძლიერმა ქარმა თელავის მუნიციპალიტეტის სოფელ იყალთოში კაკლის ხე
მოგლიჯა. დაზიანებულია ელექტროგადამცემი ხაზები და ბუნებრივი აირის
მილები.
აღნიშნულის გამო სოფელში შეწყვეტილია ბუნებრივი აირისა და
ელექტროენერგიის მიწოდება. ადგილზე იმყოფებიან თელავგაზისა და
ენერგო-პრო ჯორჯიას წარმომადგენლები.
კომპანია სოკარში (თელავგაზი) ამბობენ, რომ მაქსიმალურად ეცდებიან,
გაზმომარაგება სოფელში დღის ბოლომდე აღდგეს.
ენერგო-პრო ჯორჯიას განმარტებით კი, „პრობლემა საშუალო სირთულისაა.
სამუშაოები უკვე მიმდინარეობს. შეიცვლება საყრდენი და აღდგება
სადენი.“
მათივე ინფორმაციით, სოფელ იყალთოს აბონენტების ნაწილს
ელექტროენერგიის მიწოდება დაახლოვებით ერთ საათში აღუდგება.
მასალის გამოყენების პირობები