კორონავირუსი კიდევ ერთ პაციენტს დაუდასტურდა, რომელიც ბოლო სამი
შემთხვევის ერთ-ერთ კონტაქს წარმოადგენს, - ამის შესახებ ინფექციური
საავადმყოფოს დირექტორმა, მარინა ეზუგბაიამ დღეს განაცხადა. მისივე თქმით,
პაციენტის მდგომარეობა საშუალო სიმძიმისაა.
„ტესტირება 15 პაციენტზე ჩატარდა, მათგან 14-ზე მივიღეთ
ნეგატიური პასუხი და ერთი პაციენტის ტესტი იყო დადებითი. იგი გახლავთ
ბოლო სამი შემთხვევის ერთ-ერთი კონტაქტი. შემოსული ახალი პაციენტის
მდგომარეობა შეიძლება შეფასდეს, როგორც საშუალო სიმძიმის. დღეს
ჩაუტარდება მას განმეორებითი კვლევები. დანარჩენი პაციენტების
მდგომარეობა სტაბილურია“, - განაცხადა ეზუგბაიამ.
ამ ეტაპზე, ინფექციური საავადმტოფოს სტაციონარში ჯამში 45 პაციენტია.
მათგან 29 კორონავირუსის
დადასტურებული შემთხვევაა.
მასალის გამოყენების პირობები