საქართველოს მთავრობის გადაწყვეტილებით, ყველა ასაკის პენსიის მიმღებ პირზე აპრილის თვის პენსიები წინასწარ ჩაირიცხა. 28 მარტიდან, ბარათზე დარიცხული პენსიის გამოყენებას პენსიონერები შეძლებენ სავაჭრო ობიექტებში - აფთიაქში, მაღაზიაში ან კომუნალური გადასახადების გადახდისას. რაც შეეხება პენსიის ნაღდი ფულით მიღებას, ეს შესაძლებელი იქნება მხოლოდ „ლიბერთი ბანკის" მიერ წინასწარ გაცხადებული გრაფიკით.
პენსიის გაცემის წესში ამ ცვლილების განხორციელება ვირუსის გავრცელების პრევენციას უკავშირდება.

პენსიის ნაღდი ფულით მიღებაზე დადგენილი გრაფიკის სანახავად მოქალაქეებმა უნდა შეამოწმონ ვებ-გვერდი www.myliberty.ge, ან დარეკონ მობილური ტელეფონიდან ნომერზე - 032 208; ხოლო ქალაქის ნომრიდან - 208.

საქართველოს მთავრობა თხოვნით მიმართავს პენსიონერებს, გაუფრთხილდნენ ჯანმრთელობას და მაქსიმალურად მოერიდონ ფულის გამოსატანად ბანკის რიგში დგომას. იმ შემთხვევაში კი, თუ  პენსიის ნაღდი ფულის სახით მიღება სურთ, აუცილებლად უნდა დაიცვან სოციალური დისტანცია.