25-26 ივნისს ევროკავშირის ელჩი საქართველოში, კარლ ჰარცელი, კახეთს
ესტუმრება და ევროკავშირის მხარდაჭეით განხორციელებულ პროექტებს
გაეცნობა.
ვიზიტის ფარგლებში ის ეწვევა თელავს, შილდას, იყალთოს, ყვარელსა და
ლაგოდეხს, სადაც მოინახულებს:
- ენერგოეფექტურობის ორ პროექტს, რომლებმაც თელავსა და შილდაში
ჩატარებული სამუშაოებისთვის მოიპოვეს საერთაშორისო ჯილდო
- სმენისა და მეტყველების სახლს თელავში, რომელიც სმენისა და
მეტყველების პრობლემების მქონე ბავშვებსა და მოზარდებს
ემსახურება,
- ყვარლის ორ მცირე და საშუალო ზომის საწარმოს, რომლებმაც ბიზნესის
საწარმოებლად დახმარება მიიღეს
- სოფლის მეურნეობის პროექტებს სოფელ თამარიანში, რომლებიც
თანამედროვე სასოფლო-სამეურნეო მეთოდებს ნერგავენ
- ასევე ტყეების კონსერვაციის ინიციატივას ლაგოდეხში;
აღსანიშნავია, რომ ევროკავშირის მიერ საქართელოსადმი გაწეული
დახმარება 350 მლნ ლარს აღმატება. მათი მხარდაჭერით განხორციელდა
160-ზე მეტი პროექტი ისეთ სფეროებში, როგორიცაა ეკონომიკური და კერძო
სექტორის დახმარება, სოფლის მეურნეობა, განათლება, საჯარო
მმართველობა, მართლმსაჯულება, გარემოს დაცვა, ტრანსპორტი და
კულტურა.
მასალის გამოყენების პირობები