პრემიერ მინისტრის გიორგი გახარიას განცხადებით, მოქალაქეებს 300-ლარიან ერთჯერად დახმარებაზე განაცხადები ახალ წლამდე დაუკმაყოფილდებათ. მისივე თქმით, ამ ეტაპზე მთავრობას უკვე 65 ათასზე მეტი ასეთი განცხადება აქვს მიღებული.

„მოგეხსენებათ, რომ 28 ნოემბერს დაწყებული მიზნობრივი შეზღუდვების საპასუხოდ საქართველოს მთავრობამ გამოაცხადა მეოთხე ტალღა მოქალაქეების მიზნობრივი მხარდაჭერის. ერთჯერად 300-ლარიან დახმარებას ვგულისხმობ. დღეის მდგომარეობით, მიღებულია უკვე 65 ათასზე მეტი განაცხადი, რომელთაგანაც 54 ათასი განაცხადი უკვე დაკმაყოფილდა და, რა თქმა უნდა, ჩვენ ახალ წლამდე ყველა განაცხადს, რომელიც მიღებული იქნება ჩვენი მოქალაქეების მხრიდან, დავაკმაყოფილებთ“, - განაცხადა მან.