შემოდგომაზე მოსახლეობის 60% ვაქცინირებული უნდა იყოს, რათა ზამთარს მომზადებული შევხვდეთ - პაატა იმნაძე
დაავადებათა კონტროლის ეროვნული ცენტრის ხელმძღვანელის მოადგილის პაატა იმნაძის განცხადებით, ვაქცინით წლის ბოლომდე მოსახლეობის 60 პროცენტი უნდა იყოს აცრილი, რათა ქვეყანა მომავალ ზამთარს მომზადებული შეხვდეს.

„დიდი იმედი გვაქვს, რომ თებერვლის მეორე ნახევარში მაინც ქვეყანაში ვაქცინა იქნება. იცით, რომ იგივე „კოვაქსის“ პლატფორმას აქვს ხელშეკრულება „ფაიზერთან“ და „ბიოენტექთან“. ვაქცინის შესახებ, რომელსაც მინუს 70 გრადუსზე უნდა შენახვა, შეთანხმება მიღწეულია. იმედი გვაქვს, „ფაიზერის“ და „ბიონეტექის“ ვაქცინას ჩვენ თებერვლის მეორე ნახევარში მივიღებთ. ვაქცინა საშუალებას მოგვცემს, ყველაზე მაღალი რისკის ადამიანების, ჩემი კოლეგების, რომლებიც მუშაობენ პაციენტებთან, ვაქცინაცია დაიწყოს. მთავარი და ძირითადი მაინც იქნება, რომ რამენაირად მოვახერხოთ, ვაქცინაციით მოცვა იყოს ძალიან მაღალი. ეს უკვე ზაფხულის ან შემოდგომის პერიოდში იქნება. რათა მომავალ ზამთარს (ეს ვირუსი სეზონურობას აჩვენებს) მომზადებული შევხვდეთ, მოსახლეობის უმრავლესობა, 60 პროცენტი ვაქცინირებული იყოს. ეს თავის მხრივ, მოგვცემს საშუალებას, რომ არ იყოს შეზღუდვები ქვეყანაში“, – განაცხადა პაატა იმნაძემ.

| Print |
FaceBook Twitter Google
თეგები ვაქცინა / იმნაძე /