პარლამენტი ახალ პრემიერ-მინისტრსა და მთავრობის ახალ შემადგენლობას ნდობას ორ კვირაში გამოუცხადებს
პრემიერ -მინისტრის გადადგომის შემთხვევაში, საქართველოს კონსტიტუციის
56-ე მუხლის თანახმად, მას უფლებამოსილება გადადგომისთანავე უწყდება.
მისი გადადგომის, ან მისი უფლებამოსილების სხვაგვარად შეწყვეტის
შემთხვევაში, მთავრობა განაგრძობს მოვალეობის შესრულებას ახალი
პრემიერ-მინისტრის დანიშვნამდე. პარლამენტი მთავრობის უფლებამოსილების
მოხსნიდან, აგრეთვე პრემიერ-მინისტრის გადადგომიდან, ან
უფლებამოსილების სხვაგვარად შეწყვეტიდან ორი კვირის ვადაში ნდობას
უცხადებს პარლამენტის არჩევნებში საუკეთესო შედეგის მქონე პოლიტიკური
პარტიის მიერ წამოყენებული პრემიერ-მინისტრობის კანდიდატის მიერ
წარდგენილ მთავრობას.
მთავრობის შემადგენლობასთან ერთად პარლამენტს წარედგინება სამთავრობო
პროგრამა. ნდობის მისაღებად საჭიროა პარლამენტის სრული შემადგენლობის
უმრავლესობის მხარდაჭერა.
შეგახსენებთ, რომ გიორგი გახარიამ პრემიერ-მინისტრის თანამდებობა
დატოვა.
მასალის გამოყენების პირობები