გურჯაანის სპორტკომპლექსში ჭიდაობაში საქართველოს ჩემპიონატი ჩატარდება
8-12 მარტს გურჯაანის სპორტკომპლექსში ჭაბუკებს შორის ბერძნულ-რომაულ
ჭიდაობაში საქართველოს ჩემპიონატი გაიმართება.
სპორტული გაერთიანების დირექტორის გელა დალაქიშვილის განმარტებით,
ჩემპიონატი დაახლოებით რვა წონით კატეგორიაში ჩატარდება და ყველა
რეგულაცია იქნება დაცული.
„ ორი დღე იქნება ბერძნულ რომაულში , ორი დღე კიდევ თავისუფალში.
მონაწილეობას მიიღებენ ყველა რეგიონის წარმომადგენლები. ველოდებით 400
მონაწილეს. გაიმართება დაახლოებით 8 წონით კატეგორიაში.
გამარჯვებულები დაჯილდოვდებიან სპეციალური დიპლომებით, თასებით და
მედლებით. “
მისივე თქმით 15 მარტიდან მუშაობას განაახლებენ სპორტული წრეებიც. ამ
ეტაპზე კი სპორტკომპლექსში მიმდინარეობს მოსამზადებელი სამუშაოები.
სპეციალური ხსნარით მუშავდება ფეხბურთის, ფრენბურთის და საჭიდაო
მოედნები.
მასალის გამოყენების პირობები